Alexandra

Lycophron

Lycophron. Callimachus and Lycophron, Aratus. Mair, A. W., editor. London: William Heinmann; New York: G.P. Putnam's Sons, 1921.

  1. καρατομηθεὶς τύμβον αἱμάξεις πατρός.
  2. οἴμοι δυσαίων, καὶ διπλᾶς ἀηδόνας
  3. καὶ σόν, τάλαινα, πότμον αἰάζω, σκύλαξ.
  4. ὧν τὴν μὲν αὐτόπρεμνον ἡ τοκὰς κόνις
  5. χανοῦσα κευθμῷ χείσεται διασφάγος,
  6. λεύσσουσαν ἄτην ἀγχίπουν στεναγμάτων,
  7. ἵνʼ ἄλμα πάππου καὶ χαμευνάδος μόροι
  8. τῆς λαθρονύμφου πόρτιος μεμιγμένοι
  9. σκύμνῳ κέχυνται, πρὶν λαφύξασθαι γάνος,
  10. πρὶν ἐκ λοχείας γυῖα χυτλῶσαι δρόσῳ·
  11. σὲ δʼ ὠμὰ πρὸς νυμφεῖα καὶ γαμηλίους
  12. ἄξει θυηλὰς στυγνὸς Ἴφιδος λέων,
  13. μητρὸς κελαινῆς χέρνιβας μιμούμενος,
  14. ἣν εἰς βαθεῖαν λαιμίσας ποιμανδρίαν