Eumenides

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. οὔτοι δόμοισι τοῖσδε χρίμπτεσθαι πρέπει:
  2. ἀλλ᾽ οὗ[*](οὗ Turnebus: οὐ M) καρανιστῆρες[*](καρανιστῆρες Stanley: καρανηστῆρες M ὀφθαλμω...ρύχοι (rasura inter ω et ρ) M) ὀφθαλμωρύχοι
  3. δίκαι σφαγαί τε σπέρματός τ᾽ ἀποφθοραὶ
  4. παίδων †κακοῦται[*](κακοῦται corruptum) χλοῦνις, ἠδ᾽ ἀκρωνία,[*](fort. τε κουρὰ Hartung)
  5. λευσμός[*](λευσμός Casaubon: λευσμόν codd.) τε, καὶ μύζουσιν οἰκτισμὸν πολὺν
  6. ὑπὸ ῥάχιν[*](ὑπὸ ῥάχιν Aldina: ὑπορράχιν (ὸ mutatum in ο) M) παγέντες. ἆρ᾽ ἀκούετε
  7. οἵας ἑορτῆς ἔστ᾽ ἀπόπτυστοι θεοῖς
  8. στέργηθρ᾽ ἔχουσαι; πᾶς δ᾽ ὑφηγεῖται τρόπος
  9. μορφῆς. λέοντος ἄντρον αἱματορρόφου
  10. οἰκεῖν τοιαύτας εἰκός, οὐ χρηστηρίοις
  11. ἐν τοῖσδε Πυθίοισι[*](Πυθίοισι Martin: πλησίοις M: πλησίοισι recc.) τρίβεσθαι μύσος.
  12. χωρεῖτ᾽ ἄνευ βοτῆρος αἰπολούμεναι.
  13. ποίμνης τοιαύτης δ᾽ οὔτις εὐφιλὴς θεῶν.
Χορός
  1. ἄναξ Ἄπολλον, ἀντάκουσον ἐν μέρει.
  2. αὐτὸς σὺ τούτων οὐ μεταίτιος πέλει,
  3. ἀλλ᾽ εἷς[*](εἷς Canter: εἰς codd.) τὸ πᾶν ἔπραξας ὢν[*](ὢν Wakefield: ὡς codd.) παναίτιος.
Ἀπόλλων
  1. πῶς δή; τοσοῦτο μῆκος ἔκτεινον λόγου.
Χορός
  1. ἔχρησας ὥστε τὸν ξένον μητροκτονεῖν.
Ἀπόλλων
  1. ἔχρησα ποινὰς τοῦ πατρὸς[*](πατρὸς] πρς (contract. pro πατρὸς ut saepe) M) πρᾶξαι.[*](πρᾶξαι Bigot: πέμψαι codd.) τί[*](τί Fl: τι M) μήν;
Χορός
  1. κἄπειθ᾽ ὑπέστης αἵματος δέκτωρ[*](δέκτωρ in margine m: δ᾽ ἕκτωρ M) νέου.