Libation Bearers

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ἦ κάρτα μάντις οὑξ ὀνειράτων φόβος.
  2. ἔκανες[*](ἔκανες Pauw: κάνεσγ᾽ M) ὃν οὐ χρῆν, καὶ τὸ μὴ χρεὼν πάθε.
Χορός
  1. στένω μὲν οὖν καὶ τῶνδε συμφορὰν διπλῆν.
  2. ἐπεὶ δὲ πολλῶν αἱμάτων ἐπήκρισε
  3. τλήμων Ὀρέστης, τοῦθ᾽ ὅμως αἱρούμεθα,
  4. ὀφθαλμὸν οἴκων μὴ πανώλεθρον πεσεῖν.
Χορός
  1. ἔμολε μὲν δίκα Πριαμίδαις χρόνῳ,
  2. βαρύδικος[*](βαρύδικος Victorius: καρύδικος codd.) ποινά:
  3. ἔμολε δ᾽ ἐς δόμον τὸν Ἀγαμέμνονος
  4. διπλοῦς λέων, διπλοῦς Ἄρης.
  5. ἔλασε[*](ἔλασε e schol. Pauw: ἔλακε M) δ᾽ ἐς τὸ πᾶν
  6. ὁ πυθόχρηστος[*](πυθόχρηστος Butler: πυθοχρήστας (H supra α scr. m) M) φυγὰς
  7. θεόθεν εὖ φραδαῖσιν[*](εὖ φραδαῖσιν Hermann: εὐφραδαῖσιν M) ὡρμημένος.
Χορός
  1. ἐπολολύξατ᾽ ὦ δεσποσύνων δόμων
  2. ἀναφυγὰς κακῶν καὶ κτεάνων τριβᾶς[*](τριβᾶς Stanley: τριβὰς M)
  3. ὑπαὶ[*](ὑπαὶ Hermann: ὑπὸ M) δυοῖν[*](δυοῖν G: δοιοῖν M) μιαστόροιν,
  4. δυσοίμου τύχας.
Χορός
  1. ἔμολε δ᾽ ᾧ μέλει κρυπταδίου μάχας
  2. δολιόφρων ποινά:
  3. ἔθιγε δ᾽ ἐν[*](δ᾽ ἐν Abresch: δὲ M) μάχᾳ χερὸς ἐτήτυμος