Agamemnon

Aeschylus

Aeschylus, Volume 2. Smyth, Herbert Weir, editor. London; New York: William Heinemann; G.P. Putnam's Sons, 1926.

  1. μαντευσόμεσθα τἀνδρὸς ὡς ὀλωλότος;—
  2. —σάφʼ εἰδότας χρὴ τῶνδε θυμοῦσθαι πέρι·
  3. τὸ γὰρ τοπάζειν τοῦ σάφʼ εἰδέναι δίχα.—
  4. —ταύτην ἐπαινεῖν πάντοθεν πληθύνομαι,
  5. τρανῶς Ἀτρείδην εἰδέναι κυροῦνθʼ ὅπως.
Κλυταιμήστρα
  1. πολλῶν πάροιθεν καιρίως εἰρημένων
  2. τἀναντίʼ εἰπεῖν οὐκ ἐπαισχυνθήσομαι.
  3. πῶς γάρ τις ἐχθροῖς ἐχθρὰ πορσύνων, φίλοις
  4. δοκοῦσιν εἶναι, πημονῆς ἀρκύστατʼ ἂν
  5. φράξειεν, ὕψος κρεῖσσον ἐκπηδήματος;
  6. ἐμοὶ δʼ ἀγὼν ὅδʼ οὐκ ἀφρόντιστος πάλαι
  7. νείκης παλαιᾶς ἦλθε, σὺν χρόνῳ γε μήν·
  8. ἕστηκα δʼ ἔνθʼ ἔπαισʼ ἐπʼ ἐξειργασμένοις.
  9. οὕτω δʼ ἔπραξα, καὶ τάδʼ οὐκ ἀρνήσομαι·
  10. ὡς μήτε φεύγειν μήτʼ ἀμύνεσθαι μόρον,
  11. ἄπειρον ἀμφίβληστρον, ὥσπερ ἰχθύων,
  12. περιστιχίζω, πλοῦτον εἵματος κακόν.
  13. παίω δέ νιν δίς· κἀν δυοῖν οἰμωγμάτοιν
  14. μεθῆκεν αὑτοῦ κῶλα· καὶ πεπτωκότι
  15. τρίτην ἐπενδίδωμι, τοῦ κατὰ χθονὸς