Seven Against Thebes

Aeschylus

Aeschylus, Volume 1. Smyth, Herbert Weir, editor. London; New York: William Heinemann; G.P. Putnam's Sons, 1922.

  1. ἀνὴρ γυνή τε χὤ τι τῶν μεταίχμιον,
  2. ψῆφος κατʼ αὐτῶν ὀλεθρία βουλεύσεται,
  3. λευστῆρα δήμου δʼ οὔ τι μὴ φύγῃ μόρον.
  4. μέλει γὰρ ἀνδρί, μὴ γυνὴ βουλευέτω,
  5. τἄξωθεν· ἔνδον δʼ οὖσα μὴ βλάβην τίθει.
  6. ἤκουσας ἢ οὐκ ἤκουσας, ἢ κωφῇ λέγω;
Χορός
  1. ὦ φίλον Οἰδίπου τέκος, ἔδεισʼ ἀκού-
  2. σασα τὸν ἁρματόκτυπον ὄτοβον ὄτοβον,
  3. ὅτε τε σύριγγες ἔκλαγξαν ἑλίτροχοι,
  4. ἱππικῶν τʼ ἀπύαν πηδαλίων διὰ στόμα
  5. πυριγενετᾶν χαλινῶν.
Ἐτεοκλής
  1. τί οὖν; ὁ ναύτης ἆρα μὴ ʼς πρῷραν φυγὼν
  2. πρύμνηθεν ηὗρε μηχανὴν σωτηρίας,
  3. νεὼς καμούσης ποντίῳ πρὸς κύματι ;
Χορός
  1. ἀλλʼ ἐπὶ δαιμόνων πρόδρομος ἦλθον ἀρ-
  2. χαῖα βρέτη, θεοῖσι πίσυνος, νιφάδος
  3. ὅτʼ ὀλοᾶς νειφομένας βρόμος ἐν πύλαις·
  4. δὴ τότʼ ἤρθην φόβῳ πρὸς μακάρων λιτάς, πόλεως
  5. ἵνʼ ὑπερέχοιεν ἀλκάν.
Ἐτεοκλής
  1. πύργον στέγειν εὔχεσθε πολέμιον δόρυ.