Seven Against Thebes

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ἀλλὰ σὺ μὴ ᾽ποτρύνου: κακὸς οὐ κεκλή-
  2. σει βίον εὖ κυρήσας: μελάναιγις ἐκ δ᾽[*](ἐκ δ᾽ Weil: δ᾽ οὐκ codd.)
  3. εἶσι δόμων Ἐρινύς, ὅταν ἐκ χερῶν
  4. θεοὶ θυσίαν δέχωνται.
Ετεοκλης
  1. θεοῖς μὲν ἤδη πως παρημελήμεθα,
  2. χάρις δ᾽ ἀφ᾽ ἡμῶν ὀλομένων θαυμάζεται:
  3. τί οὖν ἔτ᾽ ἂν σαίνοιμεν ὀλέθριον μόρον;
Χορος
  1. νῦν ὅτε σοι παρέστακεν: ἐπεὶ δαίμων
  2. λήματος ἐν τροπαίᾳ[*](ἐν τροπαίᾳ Aldina: ἀντροπαῖα M, ἀντροπαία m) χρονίᾳ μεταλ-
  3. λακτὸς ἴσως ἂν ἔλθοι θαλερωτέρῳ[*](θαλερωτέρῳ m1 et recc.: θαλλωτέρῳ fuerat M: fortasse θελεμωτέρῳ Conington)
  4. πνεύματι: νῦν δ᾽ ἔτι ζεῖ.
Ετεοκλης
  1. ἐξέζεσεν[*](ἐξέζεσεν recc.: ἐξέζεσαν ut videtur M) γὰρ Οἰδίπου κατεύγματα:
  2. ἄγαν δ᾽ ἀληθεῖς ἐνυπνίων φαντασμάτων
  3. ὄψεις, πατρῴων χρημάτων δατήριοι.[*](δωτηρι .. M, correxit in δοτήριοι m, A suprascr. m1)
Χορος
  1. πιθοῦ[*](πιθοῦ Blomfield: πείθου M) γυναιξί, καίπερ οὐ στέργων ὅμως.
Ετεοκλης
  1. λέγοιτ᾽ ἂν ὧν ἄνη τις:[*](τίς M (correxit m1)) οὐδὲ χρὴ μακράν.
Χορος
  1. μὴ ʼλθῃς ὁδοὺς σὺ τάσδ᾽ ἐφ᾽ ἑβδόμαις πύλαις.
Ετεοκλης
  1. τεθηγμένον τοί μ᾽ οὐκ ἀπαμβλυνεῖς λόγῳ.
Χορος
  1. νίκην γε μέντοι καὶ κακὴν τιμᾷ θεός.
Ετεοκλης
  1. οὐκ ἄνδρ᾽ ὁπλίτην τοῦτο χρὴ στέργειν ἔπος.