Prometheus Bound

Aeschylus

Aeschylus, Volume 1. Smyth, Herbert Weir, editor. London; New York: William Heinemann; G.P. Putnam's Sons, 1922.

  1. στένουσιν ἄλγος οἰκτρόν.
Προμηθεύς
  1. μή τοι χλιδῇ δοκεῖτε μηδʼ αὐθαδίᾳ
  2. σιγᾶν με· συννοίᾳ δὲ δάπτομαι κέαρ,
  3. ὁρῶν ἐμαυτὸν ὧδε προυσελούμενον.
  4. καίτοι θεοῖσι τοῖς νέοις τούτοις γέρα
  5. τίς ἄλλος ἢ ʼγὼ παντελῶς διώρισεν;
  6. ἀλλʼ αὐτὰ σιγῶ· καὶ γὰρ εἰδυίαισιν ἂν
  7. ὑμῖν λέγοιμι· τἀν βροτοῖς δὲ πήματα
  8. ἀκούσαθʼ, ὥς σφας νηπίους ὄντας τὸ πρὶν
  9. ἔννους ἔθηκα καὶ φρενῶν ἐπηβόλους.
  10. λέξω δέ, μέμψιν οὔτινʼ ἀνθρώποις ἔχων,
  11. ἀλλʼ ὧν δέδωκʼ εὔνοιαν ἐξηγούμενος·
  12. οἳ πρῶτα μὲν βλέποντες ἔβλεπον μάτην,
  13. κλύοντες οὐκ ἤκουον, ἀλλʼ ὀνειράτων
  14. ἀλίγκιοι μορφαῖσι τὸν μακρὸν βίον
  15. ἔφυρον εἰκῇ πάντα, κοὔτε πλινθυφεῖς
  16. δόμους προσείλους, ᾖσαν, οὐ ξυλουργίαν·
  17. κατώρυχες δʼ ἔναιον ὥστʼ ἀήσυροι
  18. μύρμηκες ἄντρων ἐν μυχοῖς ἀνηλίοις.
  19. ἦν δʼ οὐδὲν αὐτοῖς οὔτε χείματος τέκμαρ