Prometheus Bound

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ἐπανδίπλαζε[*](ἐπανδίπλαζε Dindorf: ἐπαναδίπλαζε codd.) καὶ σαφῶς ἐκμάνθανε:
  2. σχολὴ δὲ πλείων ἢ θέλω πάρεστί μοι.[*](om. M, in margine scr. m)
Χορός
  1. εἰ μέν τι τῇδε λοιπὸν ἢ παρειμένον
  2. ἔχεις γεγωνεῖν τῆς πολυφθόρου πλάνης,
  3. λέγ᾽: εἰ δὲ πάντ᾽ εἴρηκας, ἡμῖν αὖ χάριν
  4. δὸς ἥνπερ[*](ἥνπερ Hermann: ἥντιν᾽ codd.) αἰτούμεσθα, μέμνησαι δέ που.
Προμηθεύς
  1. τὸ πᾶν πορείας ἥδε τέρμ᾽ ἀκήκοεν.
  2. ὅπως δ᾽ ἂν εἰδῇ μὴ μάτην κλύουσά μου,
  3. ἃ πρὶν μολεῖν δεῦρ᾽ ἐκμεμόχθηκεν φράσω,
  4. τεκμήριον τοῦτ᾽ αὐτὸ δοὺς μύθων ἐμῶν.
  5. ὄχλον μὲν οὖν τὸν πλεῖστον ἐκλείψω λόγων,
  6. πρὸς αὐτὸ δ᾽ εἶμι τέρμα σῶν πλανημάτων.
  7. ἐπεὶ γὰρ ἦλθες πρὸς Μολοσσὰ γάπεδα,[*](γάπεδα Porson: δάπεδα codd.)
  8. τὴν αἰπύνωτόν τ᾽ ἀμφὶ Δωδώνην, ἵνα
  9. μαντεῖα θᾶκός τ᾽[*](θᾶκός τ᾽ Brunck: θῶκος M, τ᾽ add. m) ἐστὶ Θεσπρωτοῦ Διός,
  10. τέρας τ᾽ ἄπιστον, αἱ προσήγοροι δρύες,
  11. ὑφ᾽ ὧν σὺ λαμπρῶς κοὐδὲν αἰνικτηρίως
  12. προσηγορεύθης ἡ Διὸς κλεινὴ δάμαρ
  13. μέλλουσ᾽ ἔσεσθαι: τῶνδε προσσαίνει σέ τι;[*](προσσαίνει σέ τι recc.: προσαίν, εισ́. τί M, σίτι m1)
  14. ἐντεῦθεν οἰστρήσασα τὴν παρακτίαν