Prometheus Bound

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. δυοῖν λόγοιν σε θατέρῳ δωρήσομαι.
Ἰώ
  1. ποίοιν; πρόδειξον, αἵρεσίν τ᾽ ἐμοὶ δίδου.
Προμηθεύς
  1. δίδωμ᾽: ἑλοῦ γάρ, ἢ πόνων τὰ λοιπά σοι
  2. φράσω σαφηνῶς, ἢ τὸν ἐκλύσοντ᾽ ἐμέ.
Χορός
  1. τούτων σὺ τὴν μὲν τῇδε, τὴν δ᾽ ἐμοὶ χάριν
  2. θέσθαι θέλησον, μηδ᾽ ἀτιμάσῃς λόγου:[*](λόγου Elmsley: λόγους codd.)
  3. καὶ τῇδε μὲν γέγωνε τὴν λοιπὴν πλάνην,
  4. ἐμοὶ δὲ τὸν λύσοντα: τοῦτο γὰρ ποθῶ.
Προμηθεύς
  1. ἐπεὶ προθυμεῖσθ᾽, οὐκ ἐναντιώσομαι
  2. τὸ μὴ οὐ γεγωνεῖν[*](μὴ γεγωνεῖν (οὐ suprascr. m) M) πᾶν ὅσον προσχρῄζετε.
  3. σοὶ πρῶτον, Ἰοῖ, πολύδονον πλάνην φράσω,
  4. ἣν ἐγγράφου σὺ μνήμοσιν δέλτοις φρενῶν.
  5. ὅταν περάσῃς ῥεῖθρον ἠπείροιν[*](ἠπείροιν Herwerden: ἠπείρων codd. post 791 lacunam indicat Heath) ὅρον,
  6. πρὸς ἀντολὰς φλογῶπας ἡλιοστιβεῖς
  7. ---
  8. πόντου[*](πόντου recc.: πόντον M) περῶσα φλοῖσβον, ἔστ᾽ ἂν ἐξίκῃ
  9. πρὸς Γοργόνεια πεδία Κισθήνης, ἵνα
  10. αἱ Φορκίδες ναίουσι δηναιαὶ κόραι
  11. τρεῖς κυκνόμορφοι, κοινὸν ὄμμ᾽ ἐκτημέναι,
  12. μονόδοντες, ἃς οὔθ᾽ ἥλιος προσδέρκεται