Prometheus Bound

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. τοιαῦτα μέντοι τῆς ἄγαν ὑψηγόρου
  2. γλώσσης, Προμηθεῦ, τἀπίχειρα γίγνεται.
  3. σὺ δ᾽ οὐδέπω ταπεινὸς οὐδ᾽ εἴκεις κακοῖς,
  4. πρὸς τοῖς παροῦσι δ᾽ ἄλλα προσλαβεῖν θέλεις.
  5. οὔκουν ἔμοιγε χρώμενος διδασκάλῳ
  6. πρὸς κέντρα κῶλον ἐκτενεῖς, ὁρῶν ὅτι
  7. τραχὺς μόναρχος οὐδ᾽ ὑπεύθυνος κρατεῖ.
  8. καὶ νῦν ἐγὼ μὲν εἶμι καὶ πειράσομαι
  9. ἐὰν δύνωμαι τῶνδέ σ᾽ ἐκλῦσαι πόνων:
  10. σὺ δ᾽ ἡσύχαζε μηδ᾽ ἄγαν λαβροστόμει.
  11. ἢ οὐκ οἶσθ᾽ ἀκριβῶς ὢν περισσόφρων ὅτι
  12. γλώσσῃ ματαίᾳ ζημία προστρίβεται;
Προμηθεύς
  1. ζηλῶ σ᾽ ὁθούνεκ᾽ ἐκτὸς αἰτίας κυρεῖς,
  2. πάντων μετασχὼν[*](μετασχεῖν Weil) καὶ τετολμηκὼς ἐμοί.[*](συντετολμηκώς τ᾽ Jebb (ad Ant. 537))
  3. καὶ νῦν ἔασον μηδέ[*](μηδέ recc.: μηδέν M) σοι μελησάτω.
  4. πάντως γὰρ οὐ πείσεις[*](πείσεις recc.: πείθεις M) νιν: οὐ γὰρ εὐπιθής.[*](εὐπιθής recc.: εὐπειθής M)
  5. πάπταινε δ᾽ αὐτὸς μή τι πημανθῇς ὁδῷ.
Ὠκεανός
  1. πολλῷ γ᾽ ἀμείνων τοὺς πέλας φρενοῦν ἔφυς
  2. ἢ σαυτόν: ἔργῳ κοὐ λόγῳ τεκμαίρομαι.
  3. ὁρμώμενον δὲ μηδαμῶς μ᾽[*](μ᾽ add. recc. duo: omittunt codd. cett.) ἀντισπάσῃς.