Persians

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ὦ δαῖμον, ὥς με πόλλ᾽ ἐσέρχεται[*](εἰσέρχεται codd.) κακῶν[*](κακῶν Schütz: κακὰ codd.)
  2. ἄλγη, μάλιστα δ᾽ ἥδε συμφορὰ δάκνει,
  3. ἀτιμίαν γε παιδὸς ἀμφὶ σώματι
  4. ἐσθημάτων κλύουσαν, ἥ νιν ἀμπέχει.
  5. ἀλλ᾽ εἶμι, καὶ λαβοῦσα κόσμον ἐκ δόμων
  6. ὑπαντιάζειν παιδί μου[*](παιδί μου Burges: ἐμῷ παιδὶ M: παίδ᾽ ἐμῷ recc.) πειράσομαι.
  7. οὐ γὰρ τὰ φίλτατ᾽ ἐν κακοῖς προδώσομεν.
Χορός
  1. ὦ πόποι ἦ μεγάλας ἀγαθᾶς τε πο-
  2. λισσονόμου βιοτᾶς ἐπεκύρσαμεν,
  3. εὖθ᾽ ὁ γηραιὸς[*](γεραιὸς M V)
  4. πανταρκὴς ἀκάκας
  5. ἄμαχος βασιλεὺς
  6. ἰσόθεος Δαρεῖος ἆρχε χώρας.
Χορός
  1. πρῶτα μὲν εὐδοκίμους στρατιὰς[*](εὐδοκίμους στρατιὰς Wellauer: εὐδοκίμου στρατιᾶς codd.) ἀπε-
  2. φαινόμεθ᾽,[*](ἀπεφαινόμεθ᾽ recc.: ἀποφαινόμεθ᾽ M) ἠδὲ πολίσματα[*](πολίσματα Keiper: νομίματα M) πύργινα
  3. πάντ᾽ ἐπέρθομεν.[*](ἐπέρθομεν Pallis: ἐπέ.θυνον (υ eraso) M)
  4. νόστοι δ᾽ ἐκ πολέμων
  5. ἀπόνους ἀπαθεῖς
  6. <ἀνέρασ>[*](ἀνέρας add. Wecklein) εὖ πράσσοντας ἆγον οἴκους.[*](οἴκους Porson: ἐς οἴκους codd.)
Χορός
  1. ὅσσας δ᾽ εἷλε πόλεις πόρον