Supplices

Aeschylus

Aeschylus, Volume 1. Smyth, Herbert Weir, editor. London; New York: William Heinemann; G.P. Putnam's Sons, 1922.

  1. πᾶν ἐπικραίνεις· ἄγος φυλάσσου.
Βασιλεύς
  1. ἄγος μὲν εἴη τοῖς ἐμοῖς παλιγκότοις,
  2. ὑμῖν δʼ ἀρήγειν οὐκ ἔχω βλάβης ἄτερ.
  3. οὐδʼ αὖ τόδʼ εὖφρον, τάσδʼ ἀτιμάσαι λιτάς.
  4. ἀμηχανῶ δὲ καὶ φόβος μʼ ἔχει φρένας
  5. δρᾶσαί τε μὴ δρᾶσαί τε καὶ τύχην ἑλεῖν.
Χορός
  1. τὸν ὑψόθεν σκοπὸν ἐπισκόπει,
  2. φύλακα πολυπόνων
  3. βροτῶν, οἳ τοῖς πέλας προσήμενοι
  4. δίκας οὐ τυγχάνουσιν ἐννόμου.
  5. μένει τοι Ζηνὸς ἱκταίου κότος
  6. δυσπαραθέλκτους παθόντος οἴκτοις.
Βασιλεύς
  1. εἴ τοι κρατοῦσι παῖδες Αἰγύπτου σέθεν
  2. νόμῳ πόλεως, φάσκοντες ἐγγύτατα γένους
  3. εἶναι, τίς ἂν τοῖσδʼ ἀντιωθῆναι θέλοι;
  4. δεῖ τοί σε φεύγειν κατὰ νόμους τοὺς οἴκοθεν,
  5. ὡς οὐκ ἔχουσιν κῦρος οὐδὲν ἀμφὶ σοῦ.
Χορός
  1. μή τί ποτʼ οὖν γενοίμαν ὑποχείριος
  2. κράτεσιν ἀρσένων. ὕπαστρον δέ τοι
  3. μῆχαρ ὁρίζομαι γάμου δύσφρονος