Supplices

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ἐγὼ δ᾽ ἂν οὐ κραίνοιμ᾽ ὑπόσχεσιν πάρος,[*](πάρος Sophianus: παρακρος M)
  2. ἀστοῖς δὲ πᾶσι τῶνδε[*](ἀστοῖς ... τῶνδε Scaliger: ἀστῶν ... τοῖσδε codd.) κοινώσας πέρι.
Χορος
  1. σύ τοι πόλις, σὺ δὲ τὸ δάμιον:
  2. πρύτανις ἄκριτος ὤν,
  3. κρατύνεις βωμόν, ἑστίαν χθονός,
  4. μονοψήφοισι νεύμασιν σέθεν,
  5. μονοσκήπτροισι δ᾽ ἐν θρόνοις[*](θρόνοις Pauw: χρόνοισι codd.) χρέος
  6. πᾶν ἐπικραίνεις: ἄγος[*](ἄγος Robortello: ἄλγος codd.) φυλάσσου.
Βασιλευς
  1. ἄγος μὲν εἴη τοῖς ἐμοῖς παλιγκότοις,
  2. ὑμῖν δ᾽ ἀρήγειν οὐκ ἔχω βλάβης ἄτερ:
  3. οὐδ᾽ αὖ τόδ᾽ εὖφρον, τάσδ᾽ ἀτιμάσαι λιτάς.
  4. ἀμηχανῶ δὲ καὶ φόβος μ᾽ ἔχει φρένας
  5. δρᾶσαί τε μὴ δρᾶσαί τε[*](μὴ δρᾶσαί τε Robortello: μηδράσητε M) καὶ τύχην ἑλεῖν.
Χορος
  1. τὸν ὑψόθεν σκοπὸν ἐπισκόπει,[*](ἐπισκόπει Robortello: ἐπισκοπεῖ M G)
  2. φύλακα πολυπόνων
  3. βροτῶν, οἳ τοῖς πέλας προσήμενοι