Supplices

Aeschylus

Aeschyli Tragoediae. Sidgwick, Arthur, editor. Oxford: Clarendon Press, 1902.

  1. ποδαπὸν ὅμιλον τόνδ᾽ ἀνελληνόστολον[*](ἀνελληνόστολον Bothe: ἀνέλληνα στόλον codd.)
  2. πέπλοισι βαρβάροισι καὶ πυκνώμασι
  3. χλίοντα προσφωνοῦμεν; οὐ[*](προσφωνοῦμεν; οὐ Robortello: προσφωνουμένου M G) γὰρ Ἀργολὶς
  4. ἐσθὴς γυναικῶν οὐδ᾽ ἀφ᾽ Ἑλλάδος τόπων.
  5. ὅπως δὲ χώραν οὔτε[*](οὔτε Hermann: οὐδὲ codd.) κηρύκων ὕπο,
  6. ἀπρόξενοί τε, νόσφιν ἡγητῶν, μολεῖν
  7. ἔτλητ᾽ ἀτρέστως,[*](ἀτρέστως Sophianus: ἀκρέστως codd.) τοῦτο θαυμαστὸν πέλει.
  8. κλάδοι γε μὲν δὴ κατὰ νόμους ἀφικτόρων
  9. κεῖνται παρ᾽ ὑμῖν πρὸς θεοῖς ἀγωνίοις:
  10. μόνον τόδ᾽ Ἑλλὰς χθὼν συνοίσεται στόχῳ.
  11. καὶ τἄλλα πόλλ᾽ ἔτ᾽ εἰκάσαι[*](ἔτ᾽ εἰκάσαι Martin: ἐπεικάσαι codd.) δίκαιον ἦν,
  12. εἰ μὴ παρόντι φθόγγος ἦν ὁ σημανῶν.
Χορος
  1. εἴρηκας ἀμφὶ κόσμον ἀψευδῆ λόγον.
  2. ἐγὼ δὲ πρός σε πότερον ὡς ἔτην λέγω,
  3. ἢ τηρὸν[*](ἢ τηρὸν ex ἤτηρον ut videtur factum M) Ἑρμοῦ ῥάβδον,[*](Ἑρμοῦ ῥάβδον ex coniect. m: ἡερου ῥάβδον M fortasse ἱερόραβδον Schütz) ἢ πόλεως ἀγόν;
Βασιλευς
  1. πρὸς ταῦτ᾽ ἀμείβου καὶ λέγ᾽ εὐθαρσὴς[*](λέγ᾽ εὐθαρσὴς Turnebus: λέγετ᾽ εὐθαρσεῖς codd.) ἐμοί.
  2. τοῦ γηγενοῦς γάρ εἰμ᾽ ἐγὼ Παλαίχθονος
  3. ἶνις Πελασγός,[*](Πελασγός Canter: πελασγοῦ codd.) τῆσδε γῆς ἀρχηγέτης.
  4. ἐμοῦ δ᾽ ἄνακτος εὐλόγως ἐπώνυμον
  5. γένος Πελασγῶν τήνδε καρποῦται χθόνα.