Against Demosthenes

ἐφʼ αἷς[*](αἷς Reiske: οἷς codd.) οὐκ οἶδʼ ὅ τι ποτʼ ἂν ἐποίησεν ἢ τίνας ἂν εἶπε λόγους, εἰ συνέβη κατορθῶσαι αὐτῷ[*](αὐτῷ Ν: αὑτῷ Α.) ἃ συνεβούλευσεν, ὃς[*](ὃς Taylor: ὁ codd.) ἐπὶ τοῖς τοιούτοις ἀτυχήμασι καὶ κακοῖς ἅπασαν ἐπεληλυθὼς τὴν οἰκουμένην ὅμως ἀξιοῖ δωρεὰς αὑτῷ[*](αὑτῷ Bekker: αὐτῷ codd.) δεδόσθαι τὰς μεγίστας, λαμβάνειν δῶρα κατὰ τῆς πατρίδος καὶ λέγειν καὶ πράττειν κατὰ τοῦ δήμου ἃ ἂν βούληται.

καὶ Τιμοθέῳ[*](Cf. Din. 3.17.) μέν, ὦ Ἀθηναῖοι, Πελοπόννησον περιπλεύσαντι καὶ τὴν ἐν Κερκύρᾳ ναυμαχίαν νικήσαντι Λακεδαιμονίους καὶ Κόνωνος υἱεῖ τοῦ τοὺς Ἕλληνας ἐλευθερώσαντος καὶ Σάμον λαβόντι[*](λαβόντι ex orat. 3 Sauppe: λαβόντος codd.) καὶ Μεθώνην καὶ Πύδναν καὶ Ποτείδαιαν καὶ πρὸς ταύταις ἑτέρας εἴκοσι πόλεις, οὐκ ἐποιήσασθʼ ὑπόλογον, οὐδὲ τῆς τότʼ ἐνεστώσης κρίσεως οὐδὲ τῶν ὅρκων, οὓς ὀμωμοκότες ἐφέρετε τὴν ψῆφον, ἀντικατηλλάξασθε[*](ἀντικατηλλάξασθε Ald.: ἀντικαταλλάξασθαι codd.) τὰς τοιαύτας εὐεργεσίας, ἀλλʼ ἑκατὸν ταλάντων ἐτιμήσατε, ὅτι χρήματʼ αὐτὸν Ἀριστοφῶν[*](αὐτὸν Ἀριστοφῶν ex orat. 3 Gruter: αὐτὸς codd.) ἔφη παρὰ Χίων εἰληφέναι καὶ Ῥοδίων·