Frogs
Aristophanes
Aristophanes. Aristophanis Comoediae, Vol. 2. Hall, F. W. and Geldart, William M., editors. Oxford: Clarendon Press, 1907.
- ξυγγενέσι τε καὶ φίλοισι,
- διὰ τὸ συνετὸς εἶναι.
- χαρίεν οὖν μὴ Σωκράτει
- παρακαθήμενον λαλεῖν,
- ἀποβαλόντα μουσικὴν
- τά τε μέγιστα παραλιπόντα
- τῆς τραγῳδικῆς τέχνης.
- τὸ δʼ ἐπὶ σεμνοῖσιν λόγοισι
- καὶ σκαριφησμοῖσι λήρων
- διατριβὴν ἀργὸν ποιεῖσθαι,
- παραφρονοῦντος ἀνδρός.
- ἄγε δὴ χαίρων Αἰσχύλε χώρει,
- καὶ σῷζε πόλιν τὴν ἡμετέραν
- γνώμαις ἀγαθαῖς καὶ παίδευσον
- τοὺς ἀνοήτους· πολλοὶ δʼ εἰσίν·
- καὶ δὸς τουτὶ Κλεοφῶντι φέρων
- καὶ τουτὶ τοῖσι πορισταῖς
- Μύρμηκί θʼ ὁμοῦ καὶ Νικομάχῳ,
- τόδε δʼ Ἀρχενόμῳ·
- καὶ φράζʼ αὐτοῖς ταχέως ἥκειν