Frogs

Aristophanes

Aristophanes. Aristophanis Comoediae, Vol. 2. Hall, F. W. and Geldart, William M., editors. Oxford: Clarendon Press, 1907.

  1. νῦν δὲ καὶ παρηκόνηνται.
  2. μηδὲν οὖν δείσητον, ἀλλὰ
  3. πάντʼ ἐπέξιτον θεατῶν γʼ οὕνεχʼ ὡς ὄντων σοφῶν.
Εὐριπίδης
  1. καὶ μὴν ἐπʼ αὐτοὺς τοὺς προλόγους σου τρέψομαι,
  2. ὅπως τὸ πρῶτον τῆς τραγῳδίας μέρος
  3. πρώτιστον αὐτοῦ βασανιῶ τοῦ δεξιοῦ.
  4. ἀσαφὴς γὰρ ἦν ἐν τῇ φράσει τῶν πραγμάτων.
Διόνυσος
  1. καὶ ποῖον αὐτοῦ βασανιεῖς;
Εὐριπίδης
  1. πολλοὺς πάνυ.
  2. πρῶτον δέ μοι τὸν ἐξ Ὀρεστείας λέγε.
Διόνυσος
  1. ἄγε δὴ σιώπα πᾶς ἀνήρ. λέγʼ Αἰσχύλε.
Αἰσχύλος
  1. Ἑρμῆ χθόνιε πατρῷʼ ἐποπτεύων κράτη,
  2. σωτὴρ γενοῦ μοι σύμμαχός τʼ αἰτουμένῳ.
  3. ἥκω γὰρ ἐς γῆν τήνδε καὶ κατέρχομαι.
Διόνυσος
  1. τούτων ἔχεις ψέγειν τι;
Εὐριπίδης
  1. πλεῖν ἢ δώδεκα.
Διόνυσος
  1. ἀλλʼ οὐδὲ πάντα ταῦτά γʼ ἔστʼ ἀλλʼ ἢ τρία.
Εὐριπίδης
  1. ἔχει δʼ ἕκαστον εἴκοσίν γʼ ἁμαρτίας.
Διόνυσος
  1. Αἰσχύλε παραινῶ σοι σιωπᾶν· εἰ δὲ μή,
  2. πρὸς τρισὶν ἰαμβείοισι προσοφείλων φανεῖ.
Αἰσχύλος
  1. ἐγὼ σιωπῶ τῷδʼ;
Διόνυσος
  1. ἐὰν πείθῃ γʼ ἐμοί.
Εὐριπίδης
  1. εὐθὺς γὰρ ἡμάρτηκεν οὐράνιόν γʼ ὅσον.