Birds

Aristophanes

Aristophanes. Aristophanis Comoediae, Vol. 1. Hall, F. W. and Geldart, William M., editors. Oxford: Clarendon Press, 1906.

  1. Ἐυελπίδης
    1. ὀρθὴν κελεύεις, ᾗ τὸ δένδρον φαίνεται;
    Πισθέταιρος
    1. διαρραγείης· ἥδε δʼ αὖ κρώζει πάλιν.
    Ἐυελπίδης
    1. τί ὦ πόνηρʼ ἄνω κάτω πλανύττομεν;
    2. ἀπολούμεθʼ ἄλλως τὴν ὁδὸν προφορουμένω.
    Πισθέταιρος
    1. τὸ δʼ ἐμὲ κορώνῃ πειθόμενον τὸν ἄθλιον
    2. ὁδοῦ περιελθεῖν στάδια πλεῖν ἢ χίλια.
    Ἐυελπίδης
    1. τὸ δʼ ἐμὲ κολοιῷ πειθόμενον τὸν δύσμορον
    2. ἀποσποδῆσαι τοὺς ὄνυχας τῶν δακτύλων.
    Πισθέταιρος
    1. ἀλλʼ οὐδʼ ὅπου γῆς ἐσμὲν οἶδʼ ἔγωγʼ ἔτι.
    Ἐυελπίδης
    1. ἐντευθενὶ τὴν πατρίδʼ ἂν ἐξεύροις σύ που;
    Πισθέταιρος
    1. οὐδʼ ἂν μὰ Δία γʼ ἐντεῦθεν Ἐξηκεστίδης.
    Ἐυελπίδης
    1. οἴμοι.
    Πισθέταιρος
    1. σὺ μὲν ὦ τᾶν τὴν ὁδὸν ταύτην ἴθι.
    Ἐυελπίδης
    1. ἦ δεινὰ νὼ δέδρακεν οὑκ τῶν ὀρνέων,
    2. ὁ πινακοπώλης φιλοκράτης μελαγχολῶν,
    3. ὃς τώδʼ ἔφασκε νῷν φράσειν τὸν Τηρέα
    4. τὸν ἔποφʼ ὃς ὄρνις ἐγένετʼ ἐκ τῶν ὀρνέων·
    5. κἀπέδοτο τὸν μὲν Θαρρελείδου τουτονὶ
    6. κολοιὸν ὀβολοῦ, τηνδεδὶ τριωβόλου.