Knights

Aristophanes

Aristophanes. Aristophanis Comoediae, Vol. 1. Hall, F. W. and Geldart, William M., editors. Oxford: Clarendon Press, 1906.

  1. ξυνειδέναι τί μοι δοκεῖς σαυτῷ καλόν.
  2. μῶν ἐκ καλῶν εἶ κἀγαθῶν;
Ἀλλαντοπώλης
  1. μὰ τοὺς θεοὺς
  2. εἰ μὴ ʼκ πονηρῶν γʼ.
Δημοσθένης
  1. ὦ μακάριε τῆς τύχης
  2. ὅσον πέπονθας ἀγαθὸν ἐς τὰ πράγματα.
Ἀλλαντοπώλης
  1. ἀλλʼ ὦγάθʼ οὐδὲ μουσικὴν ἐπίσταμαι
  2. πλὴν γραμμάτων, καὶ ταῦτα μέντοι κακὰ κακῶς.
Δημοσθένης
  1. τουτὶ μόνον σʼ ἔβλαψεν, ὅτι καὶ κακὰ κακῶς.
  2. ἡ δημαγωγία γὰρ οὐ πρὸς μουσικοῦ
  3. ἔτʼ ἐστὶν ἀνδρὸς οὐδὲ χρηστοῦ τοὺς τρόπους,
  4. ἀλλʼ εἰς ἀμαθῆ καὶ βδελυρόν. ἀλλὰ μὴ παρῇς
  5. ἅ σοι διδόασʼ ἐν τοῖς λογίοισιν οἱ θεοί.
Ἀλλαντοπώλης
  1. πῶς δῆτά φησʼ ὁ χρησμός;
Δημοσθένης
  1. εὖ νὴ τοὺς θεοὺς
  2. καὶ ποικίλως πως καὶ σοφῶς ᾐνιγμένος·
  3. ἀλλʼ ὁπόταν μάρψῃ βυρσαίετος ἀγκυλοχήλης
  4. γαμφηλῇσι δράκοντα κοάλεμον αἱματοπώτην,
  5. δὴ τότε Παφλαγόνων μὲν ἀπόλλυται ἡ σκοροδάλμη,
  6. κοιλιοπώλῃσιν δὲ θεὸς μέγα κῦδος ὀπάζει,