De Praemiis Et Poenis Et De Exsecrationibus

τότε μοι δοκοῦσιν ἄρκτοι καὶ λέοντες καὶ παρδάλεις καὶ τὰ παρ’ Ἰνδοῖς, ἐλέφαντές τε καὶ τίγρεις, καὶ ὅσα ἄλλα τὰς ἀλκὰς καὶ τὰς δυνάμεις ἀήττητα μεταβαλεῖν ἐκ τοῦ μονωτικοῦ τε καὶ μονοτρόπου πρὸς τὸ σύννομον· κἀκ τοῦ πρὸς ὀλίγον μιμήσει τῶν ἀγελαίων ἡμερωθήσεται πρὸς τὴν ἀνθρώπου φαντασίαν, μηκέτι ὡς πρότερον ἀνερεθισθέντα, καταπλαγέντα δ’ ὡς ἄρχοντα καὶ φύσει δεσπότην εὐλαβῶς ἕξει, ἔνια δὲ καὶ τοῦ χειροήθους ἅμα καὶ φιλοδεσπότου τῇ παραζηλώσει, καθάπερ τὰ Μελιταῖα τῶν κυνιδίων ταῖς κέρκοις μεθ’ ἱλαρωτέρας κινήσεως προσσαίνοντα.

τότε καὶ τὰ σκορπίων γένη καὶ ὄφεων καὶ τῶν ἄλλων ἑρπετῶν ἄπρακτον ἕξει τὸν ἰόν· φέρει καὶ ποταμὸς ὁ Αἰγύπτιος ὅμοια τοῖς οἰκήτορσι τῆς χώρας ἀνθρωποβόρα ζῷα, τοὺς κροκοδείλους λεγομένους καὶ ποταμίους ἵππους, φέρει καὶ τὰ πελάγη μυρίας ἰδέας ἀργαλεωτάτων ζῴων· παρ’ οἷς ἅπασιν ἱερὸς καὶ ἄσυλος γένοιτ’ ἂν ὁ σπουδαῖος, ἀρετὴν τιμήσαντος

θεοῦ καὶ γέρας αὐτῇ παρασχόντος τὸ ἀνεπιβούλευτον. οὕτως μὲν ὁ πρεσβύτερος καὶ χρόνῳ καὶ φύσει καταλυθήσεται πόλεμος, ἡμερωθέντων καὶ μεταβαλόντων τῶν θηρίων πρὸς τὸ τιθασόν. ὁ δὲ νεώτερος καὶ ἐπιτηδεύσει γενόμενος ἐκ πλεονεξίας ῥᾳδίως διαλυθήσεται, τῶν ἀνθρώπων, ὥς γέ μοι δοκεῖ, δυσωπηθέντων, εἰ μελλήσουσιν ἀγριώτεροι ζῴων ἀλόγων ἐξετάζεσθαι, ὅτε τὰς ἀπὸ τῶν ἀλόγων ζημίας καὶ βλάβας ἐκπεφεύγασιν.

αἴσχιστον γάρ, ὡς εἰκός, φανεῖται, τὰ μὲν ἰοβόλα καὶ ἀνθρωποβόρα καὶ ἄμικτα καὶ ἀκοινώνητα ἔνσπονδα γεγενῆσθαι μεταβαλόντα πρὸς εἰρήνην, [*](1 καὶ παρδάλεις om. Α παρ᾿ Ἰνδοῖς ζῷα coni. Mang. 3 μεταβαλεῖν (Turn.): μεταβάλλειν codd. μονητικοῦ F 3.4 πρός τὸ σύννομον] καὶ σύννομα ἔσται Α 4 ἡμερωθήσεται codd.: ἡμερωθήσεσθαι v 5 μηκέθ’ F 6 δὲ Α ἕξει ss. P2: ἕξειν FAHP1 (v) 7 τοῦ FA: ἰῆς τοῦ HP τοῦ φιλοδεσπότου Α τῆ F (v): τί AHP; τῇ fort. secludendum (Wendl.) vel τι scribendum 8.9 προσσαίνοντα Mang.: προσαίνοντα codd. 9 τὰ Α: om. FHP (v) 10 post ἰόν add. F: οὐδενὸς ἀνθρώπων ζημία φέρει F: om. AHP (v) αἰγύπτου A ὅμοια AH1P: ὅμορα FH2 (v) ; ὅμοια καὶ βλαβερὰ couicio, ἥμερα coni. Mang. 12 φέρει HP: φέρῃ F, om. Α; οἴσει coni. Mang. εἰδέας F ἀργαλεωτάτω F: ἀργαλεωτάτων αὐτὴ Α, om. ΗΡ ν) ; ἀργαλεωτέρων ἔτι coni. Mang. 13 ἅπασιν F: πᾶσιν AHP (v) 6 ἱερὸς Α, 6 eras. F 14 αὐτὴ F: om. AHP (v) τὸ om. A οὕτω F 16 μεταβαλόντων A: μεταβαλλόντων FIP, καταβαλλόντων H1P τιθασόν HP: τιθασσόν FA (v) 18 γέ μοι FA: γ’ ἐμοὶ Η2 (v), ἔμοιγε H1P 19 τῶν ἀλόγων scripsi: τῶν ἄλλων codd. (v): τῶν αὐτῶν coni. Mang. βλάβας καὶ ζημίας F 20 ὡς om. L (Turu.) τὰ μὲν γὰρ A 21 μεταβαλόντα FP: μεταβάλλοντα (sic) Η, μεταβάλλοντα Α (v)) [*](1 sqq. cf. Iesai. 11,6 sqq.)