Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. ὣς φάτʼ Ἀθηναίη, τοὺς δὲ χλωρὸν δέος εἷλεν·
  2. τῶν δʼ ἄρα δεισάντων ἐκ χειρῶν ἔπτατο τεύχεα,
  3. πάντα δʼ ἐπὶ χθονὶ πῖπτε, θεᾶς ὄπα φωνησάσης·
  4. πρὸς δὲ πόλιν τρωπῶντο λιλαιόμενοι βιότοιο.
  5. σμερδαλέον δʼ ἐβόησε πολύτλας δῖος Ὀδυσσεύς,
  6. οἴμησεν δὲ ἀλεὶς ὥς τʼ αἰετὸς ὑψιπετήεις.
  7. καὶ τότε δὴ Κρονίδης ἀφίει ψολόεντα κεραυνόν,
  8. κὰδ δʼ ἔπεσε πρόσθε γλαυκώπιδος ὀβριμοπάτρης.