Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. ἐν δὲ πίθοι οἴνοιο παλαιοῦ ἡδυπότοιο
  2. ἕστασαν, ἄκρητον θεῖον ποτὸν ἐντὸς ἔχοντες,
  3. ἑξείης ποτὶ τοῖχον ἀρηρότες, εἴ ποτʼ Ὀδυσσεὺς
  4. οἴκαδε νοστήσειε καὶ ἄλγεα πολλὰ μογήσας.
  5. κληισταὶ δʼ ἔπεσαν σανίδες πυκινῶς ἀραρυῖαι,
  6. δικλίδες· ἐν δὲ γυνὴ ταμίη νύκτας τε καὶ ἦμαρ
  7. ἔσχʼ, ἣ πάντʼ ἐφύλασσε νόου πολυϊδρείῃσιν,
  8. Εὐρύκλειʼ, Ὦπος θυγάτηρ Πεισηνορίδαο.
  9. τὴν τότε Τηλέμαχος προσέφη θαλαμόνδε καλέσσας·