Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. θάρσει, Ἰκαρίου κούρη τηλεκλειτοῖο·
  2. οὐκ ὄναρ, ἀλλʼ ὕπαρ ἐσθλόν, ὅ τοι τετελεσμένον ἔσται.
  3. χῆνες μὲν μνηστῆρες, ἐγὼ δέ τοι αἰετὸς ὄρνις
  4. ἦα πάρος, νῦν αὖτε τεὸς πόσις εἰλήλουθα,
  5. ὃς πᾶσι μνηστῆρσιν ἀεικέα πότμον ἐφήσω.
  6. ὣς ἔφατʼ, αὐτὰρ ἐμὲ μελιηδὴς ὕπνος ἀνῆκε·
  7. παπτήνασα δὲ χῆνας ἐνὶ μεγάροισι νόησα
  8. πυρὸν ἐρεπτομένους παρὰ πύελον, ἧχι πάρος περ.
  9. τὴν δʼ ἀπαμειβόμενος προσέφη πολύμητις Ὀδυσσεύς·