Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. ἡ δʼ ἴεν ἐκ θαλάμοιο περίφρων Πηνελόπεια,
  2. Ἀρτέμιδι ἰκέλη ἠὲ χρυσέῃ Ἀφροδίτῃ,
  3. ἀμφὶ δὲ παιδὶ φίλῳ βάλε πήχεε δακρύσασα,
  4. κύσσε δέ μιν κεφαλήν τε καὶ ἄμφω φάεα καλά,
  5. καί ῥʼ ὀλοφυρομένη ἔπεα πτερόεντα προσηύδα·
  6. ἦλθες, Τηλέμαχε, γλυκερὸν φάος. οὔ σʼ ἔτʼ ἐγώ γε
  7. ὄψεσθαι ἐφάμην, ἐπεὶ ᾤχεο νηῒ Πύλονδε
  8. λάθρη, ἐμεῦ ἀέκητι, φίλου μετὰ πατρὸς ἀκουήν.
  9. ἀλλʼ ἄγε μοι κατάλεξον ὅπως ἤντησας ὀπωπῆς.
  10. τὴν δʼ αὖ Τηλέμαχος πεπνυμένος ἀντίον ηὔδα·
  11. μῆτερ ἐμή, μή μοι γόον ὄρνυθι μηδέ μοι ἦτορ
  12. ἐν στήθεσσιν ὄρινε φυγόντι περ αἰπὺν ὄλεθρον·