Oedipus Tyrannus

Sophocles

Sophocles, Volume 1. Storr, Francis, editor. London; New York: William Heinemann Ltd.; The Macmillan Company, 1912.

  1. ὦ τέκνα, Κάδμου τοῦ πάλαι νέα τροφή,
  2. τίνας ποθʼ ἕδρας τάσδε μοι θοάζετε
  3. ἱκτηρίοις κλάδοισιν ἐξεστεμμένοι;
  4. πόλις δʼ ὁμοῦ μὲν θυμιαμάτων γέμει,
  5. ὁμοῦ δὲ παιάνων τε καὶ στεναγμάτων·
  6. ἁγὼ δικαιῶν μὴ παρʼ ἀγγέλων, τέκνα,
  7. ἄλλων ἀκούειν αὐτὸς ὧδʼ ἐλήλυθα,
  8. ὁ πᾶσι κλεινὸς Οἰδίπους καλούμενος.
  9. ἀλλʼ ὦ γεραιέ, φράζʼ, ἐπεὶ πρέπων ἔφυς
  10. πρὸ τῶνδε φωνεῖν, τίνι τρόπῳ καθέστατε,
  11. δείσαντες ἢ στέρξαντες; ὡς θέλοντος ἂν
  12. ἐμοῦ προσαρκεῖν πᾶν· δυσάλγητος γὰρ ἂν
  13. εἴην τοιάνδε μὴ οὐ κατοικτίρων ἕδραν.
Ἱερεύς
  1. ἀλλʼ ὦ κρατύνων Οἰδίπους χώρας ἐμῆς,
  2. ὁρᾷς μὲν ἡμᾶς ἡλίκοι προσήμεθα
  3. βωμοῖσι τοῖς σοῖς· οἱ μὲν οὐδέπω μακρὰν
  4. πτέσθαι σθένοντες, οἱ δὲ σὺν γήρᾳ βαρεῖς,
  5. ἱερῆς, ἐγὼ μὲν Ζηνός, οἵδε τʼ ᾐθέων
  6. λεκτοί· τὸ δʼ ἄλλο φῦλον ἐξεστεμμένον
  7. ἀγοραῖσι θακεῖ πρός τε Παλλάδος διπλοῖς