Fragmenta

Euripides

Euripides. Fragmenta. Tragicorum Graecorum Fragmenta. Nauck, August, editor. Leipzig: Teubner, 1889.

  1. αἰδοῦς ἀχαλκεύτοισιν ἔζευκται πέδαις
  1. οὐκ οὖν τὸ μὴ ζῆν κρεῖσσόν ἐστ’ ἢ ζῆν κακῶς;
  1. τρόπος δὲ χρηστὸς ἀσφαλέστερος νόμου·
  2. τὸν μὲν γὰρ οὐδεὶς ἂν διαστρέψαι ποτὲ
  3. λόγος δύναιτο, τὸν δ’ ἄνω τε καὶ κάτω
  4. ῥήτωρ σπαράσσων πολλάκις λυμαίνεται.
  1. ὁ πρῶτος εἰπὼν οὐκ ἀγυμνάστῳ φρενὶ
  2. ἔρριψεν ὅστις τόνδ’ ἐκαίνισεν λόγον,
  3. ὡς τοῖσιν εὖ φρονοῦσι συμμαχεῖ τύχη.
  1. ἔφεξις
  1. θρᾶξαι
  1. Μήδεια πρὸς μὲν δώμασιν τυραννικοῖς
  1. τί χρῆμα δράσας; φράζε μοι σαφέστερον.
  1. αἰνῶ· διδάξαι δ’ ὦ τέκνον σε βούλομαι.
  2. ὅταν μὲν ᾖς παῖς, μὴ πλέον παιδὸς φρονεῖν,
  3. ἐν παρθένοις δὲ παρθένου τρόπους ἔχειν,
  4. ὅταν δ’ ὑπ’ ἀνδρὸς χλαῖναν εὐγενοῦς πέσῃς,
  5. .  .  .  .  .  .  .  .  .  .  .  .
  6. τὰ δ’ ἄλλ’ ἀφεῖναι μηχανήματ’ ἀνδράσιν.
  1. πρὸς κέντρα μὴ λάκτιζε τοῖς κρατοῦσί σου.
  1. τὸ δ’ ἔσχατον δὴ τοῦτο θαυμαστὸν βροτοῖς
  2. τυραννίς, οὐχ εὕροις ἂν ἀθλιώτερον.
  3. φίλους τε πορθεῖν καὶ κατακτανεῖν χρεών,
  4. πλεῖστος φόβος πρόσεστι μὴ δράσωσί τι.
  1. οὐκ ἔστι τὰ θεῶν ἄδικ’, ἐν ἀνθρώποισι δὲ
  2. κακοῖς νοσοῦντα σύγχυσιν πολλὴν ἔχει.
  1. ὁρῶσι δ’ οἱ διδόντες εἰς τὰ χρήματα.
  1. ἐν τοῖσι μὲν δεινοῖσιν ὡς φίλοι φίλων·
  2. ὅταν δὲ πράξωσ’ εὖ, διωθοῦνται χάριν
  3. αὐτοὶ δι’ αὑτοὺς εὐτυχεῖν ἡγούμενοι.
  1. ὁ γὰρ ξυνὼν κακὸς μὲν ἢν τύχῃ γεγώς,
  2. τοιούσδε τοὺς ξυνόντας ἐκπαιδεύεται,
  3. χρηστοὺς δὲ χρηστός· ἀλλὰ τὰς ὁμιλίας
  4. ἐσθλὰς διώκειν, ὦ νέοι, σπουδάζετε.
  1. φθείρου· τὸ γὰρ δρᾶν οὐκ ἔχων λόγους ἔχεις.
  1. ἀντεμμάσασθαι
  1. ἀρταμεῖν
  1. εὐστόχως
  1. κατηβολή