The Suppliant Maidens
Euripides
Euripides. Euripidis Fabulae, Vol. II. Murray, Gilbert, editor. Oxford: Clarendon Press, 1913. (Reprinted 1921-1962)
- οἵων ὑφʼ ἡμῶν στείχετʼ ἠξιωμένοι.
- Θησεῦ, ξύνισμεν πάνθʼ ὅσʼ Ἀργείαν χθόνα
- δέδρακας ἐσθλὰ δεομένην εὐεργετῶν,
- χάριν τʼ ἀγήρων ἕξομεν· γενναῖα γὰρ
- παθόντες ὑμᾶς ἀντιδρᾶν ὀφείλομεν.
- τί δῆτʼ ἔθʼ ὑμῖν ἄλλʼ ὑπουργῆσαί με χρή;
- χαῖρʼ· ἄξιος γὰρ καὶ σὺ καὶ πόλις σέθεν.
- ἔσται τάδʼ· ἀλλὰ καὶ σὺ τῶν αὐτῶν τύχοις.
- ἄκουε, Θησεῦ, τούσδʼ Ἀθηναίας λόγους,
- ἃ χρή σε δρᾶσαι, δρῶντα δʼ ὠφελεῖν τάδε.
- μὴ δῷς τάδʼ ὀστᾶ τοῖσδʼ ἐς Ἀργείαν χθόνα
- παισὶν κομίζειν ῥᾳδίως οὕτω μεθείς,