Andromache

Euripides

Euripides. Euripidis Fabulae, Vol. I. Murray, Gilbert, editor. Oxford: Clarendon Press, 1902.

  1. εὖ δ’ ἴσθ’, ὅτου τις τυγχάνει χρείαν ἔχων,
  2. τοῦτ’ ἔσθ’ ἑκάστῳ μεῖζον ἢ Τροίαν ἑλεῖν.
  3. κἀγὼ θυγατρί—μεγάλα γὰρ κρίνω τάδε,
  4. λέχους στέρεσθαι—σύμμαχος καθίσταμαι.
  5. τὰ μὲν γὰρ ἄλλα δεύτερ’ ἂν πάσχοι γυνή,
  6. ἀνδρὸς δ’ ἁμαρτάνουσ’ ἁμαρτάνει βίου.
  7. δούλων δ’ ἐκεῖνον τῶν ἐμῶν ἄρχειν χρεὼν
  8. καὶ τῶν ἐκείνου τοὺς ἐμούς, ἡμᾶς τε πρός·