Andromache

Euripides

Euripides. Euripidis Fabulae, Vol. I. Murray, Gilbert, editor. Oxford: Clarendon Press, 1902.

  1. ὤσει δὲ σὴν παῖδ’ ἐκ δόμων· σὺ δ’ ἐκδιδοὺς
  2. ἄλλῳ τί λέξεις; πότερον ὡς κακὸν πόσιν
  3. φεύγει τὸ ταύτης σῶφρον; ἀλλὰ πεύσεται.
  4. γαμεῖ δὲ τίς νιν; ἤ σφ’ ἄνανδρον ἐν δόμοις
  5. χήραν καθέξεις πολιόν; ὦ τλήμων ἀνήρ,
  6. κακῶν τοσούτων οὐχ ὁρᾷς ἐπιρροάς;
  7. πόσας ἂν εὐνὰς θυγατέρ’ ἠδικημένην
  8. βούλοι’ ἂν εὑρεῖν ἢ παθεῖν ἁγὼ λέγω;