Hippolytus

Euripides

Euripides. Euripidis Fabulae, Vol. I. Murray, Gilbert, editor. Oxford: Clarendon Press, 1902.

  1. λυπηρὸς ἡμῖν τούσδ’ ἂν ἐκλίποι δόμους.
Χορός
  1. οὐκ ἐς γέροντας ἥδε σοι τείνει τύχη,
  2. Θησεῦ· νέοι θανόντες ἀλγυνοῦσί σε.
Θησεύς
  1. οἴμοι· τέκνων μοι μή τι συλᾶται βίος;
Χορός
  1. ζῶσιν, θανούσης μητρὸς ὡς ἄλγιστά σοι.
Θησεύς
  1. τί φῄς; ὄλωλεν ἄλοχος; ἐκ τίνος τύχης;
Χορός
  1. βρόχον κρεμαστὸν ἀγχόνης ἀνήψατο.
Θησεύς
  1. λύπῃ παχνωθεῖσ’, ἢ ἀπὸ συμφορᾶς τινος;
Χορός
  1. τοσοῦτον ἴσμεν· ἄρτι γὰρ κἀγὼ δόμοις,
  2. Θησεῦ, πάρειμι σῶν κακῶν πενθήτρια.
Θησεύς
  1. αἰαῖ· τί δῆτα τοῖσδ’ ἀνέστεμμαι κάρα
  2. πλεκτοῖσι φύλλοις, δυστυχὴς θεωρὸς ὤν;
  3. χαλᾶτε κλῇθρα, πρόσπολοι, πυλωμάτων,
  4. ἐκλύεθ’ ἁρμούς, ὡς ἴδω πικρὰν θέαν
  5. γυναικός, ἥ με κατθανοῦσ’ ἀπώλεσεν.
Χορός
  1. — ἰὼ ἰὼ τάλαινα μελέων κακῶν·
  2. ἔπαθες, εἰργάσω
  3. τοσοῦτον ὥστε τούσδε συγχέαι δόμους.
  4. — αἰαῖ τόλμας, ὦ βιαίως θανοῦσ’