Scholia in Iliadem

454. Πανθοίδαο—ἄκοντα] ἀντὶ τοῦ ‘ἐμόν,ʼ ὡς “τὸν δʼ ἐσάωσεν ἐς ποταμοῦ προχοάς” (Od. 5. 452) ἀντὶ τοῦ ‘ἑαυτοῦ·’ ἕκαστον δὲ τῶν ῥημάτων ἐναργὲς καὶ φαντασίαν ἔχον.

456. κόμισε χροί] ἐπιμελείας ἠξίωσε περιλαβὼν τῷ ἰδίῳ χρωτί. οἳ δὲ ἀπήνεγκεν.

* κόμισε] χωρὶς τοῦ ν.

457. σκηπτόμενον] σκηριπτόμενον· σαρκασμὸς δὲ ὁ τρόπος.

458. Ἀργείοισι δʼ ἄχος γένετο] οὐκ ἐπὶ τῇ ἀναιρέσει, ἀλλʼ ἐπὶ τῇ χλεύῃ· καὶ ταῦτα δὲ ἀναγκαῖα, ἵνα παροξυνθέντες προθυμότεροι γένωνται.

459. Αἴαντι—θυμὸν ὄρινεν] ἐπεὶ γὰρ οὗτος μέλλει ἀριστεύειν, πιθανὸν τῇ ἀρετῇ τοῦ ἀνδρὸς συμπρᾶξαι καὶ τὸ ἀπὸ τῶν βαρβάρων.

463. λικριφίς] παρὰ τὸ λέχριον, ἅπαξ δὲ νῦν, καὶ ἐν Ὀδυσσείᾳ (19. 451). ὁ δὲ τόνος ὡς “ἀπρίξ.” οἳ δέ, λίαν 〈ἐγ〉χρίμπτων καὶ. προσπελάζων τῇ γῇ.

464. Ἀρχέλοχος] Ἀρίσταρχος ἀναλογώτερον τοῦ Ἀρχιλόχου, ὡς φερένικος Μενέλαος.

τῷ γάρ ῥα θεοὶ βούλευσαν ὄλεθρον] τούτῳ γὰρ ἐπεκλώσθη τὸ εἱμαρμένον.