Dionysiaca
Nonnus of Panopolis
Nonnus of Panopolis. Dionysiaca, Vol. 1-3. Rouse, W.H.D., editor. London: W. Heinemann Ltd.; Cambridge, MA, 1940-1942.
- καί μιν ἀνεστυφέλιξε δίκης τροχοειδέι κύκλῳ,
- καὶ νόον ἄφρονα κάμψεν ἀκαμπέος· ἀμφὶ δὲ μίτρην
- παρθενικῆς ἐλέλιζεν ἐχιδνήεσσαν ἱμάσθλην
- Ἀργολὶς Ἀδρήστεια· χαριζομένη δὲ θεαίνῃ,
- καὶ μάλα περ κοτέοντι κασιγνήτῳ Διονύσῳ,
- ὥπλισεν ἄλλον ἔρωτα, καὶ εἰ πέλε νῆις Ἐρώτων,
- Παλλήνης μετὰ λέκτρα, μετὰ φθιμένην Ἀριάδνην,
- τὴν μὲν λειπομένην ἐνὶ πατρίδι, τὴν δʼ ἐνὶ γαίῃ
- ἀλλοτρίῃ πετραῖον, Ἀχαιίδος ὡς βρέτας Ἥρης,
- καὶ Βρόης πολὺ μᾶλλον ἀνηνύστων περὶ λέκτρων.
- καὶ Νέμεσις πεπότητο νιφοβλήτῳ παρὰ Ταύρῳ,
- εἰσόκε Κύδνον ἵκανε τὸ δεύτερον ἀμφὶ δὲ κούρῃ
- ἡδυβόλῳ [*](So Keydell: Ludwich ἡδνμόλῳ, after L; M ἡδυνόλω.) Διόνυσον Ἔρως οἴστρησεν ὀιστῷ,
- καὶ πρερὰ κυκλώσας ἐπεήσατο κοῦφος Ὀλύμπου.
- καὶ θεὸς οὐρεσίφοιτος ἱμάσσετο μείζονι πυρσῷ·
- οὐ γὰρ ἔην ἐλάχεια παραίφασις· οὐ τότε κούρης
- ἐλπίδα Κυπρδίην, οὐ φάρμακον εἶχεν Ἐρώτων·
- ἀλλά μιν ἔφλεγε μᾶλλον Ἔρως θελξίφρονι πυρσῷ
- θυιάδος ὀψιτέλεστον ἀπειθέος εἰς γάμον Αὔρης.
- καὶ μογέων ἔκρυπτεν ἑὸν πόθον, οὐδʼ ἐνὶ λόχμαις