Dionysiaca
Nonnus of Panopolis
Nonnus of Panopolis. Dionysiaca, Vol. 1-3. Rouse, W.H.D., editor. London: W. Heinemann Ltd.; Cambridge, MA, 1940-1942.
- χεῖρας ἐφαπλώσασα μέση διδυμάονι πόντῳ,
- γείτονι λευκαίνουσα θαλασσαίῳ δέμας ἀφρῷ,
- καὶ πόδας ἀμφοτέρους ἐπερείσατο μητέρι γαίῃ.
- καὶ πόλιν ἐννοσίγαιος ἔχων ἀστεμφέι δεσμῷ
- νυμφίος ὑδατόεις περινήχεται, οἷα συνάπτων
- πήχεϊ παφλάζοντι περίπλοκον αὐχένα νύμφης.
- καὶ Τύρον εἰσέτι Βάκχος ἐθάμβεε, τῇ ἔνι μούνῃ
- βουκόλος ἀγχικέλευθος ὁμίλεε γείτονι ναύτῃ
- συρίζων παρὰ θῖνα, καὶ αἰπόλος ἰχθυβολῆι
- δίκτυον αἶ ἐρύοντι, καὶ ἀντιτύποισιν ἐρετμοῖς
- σχιζομένων ὑδάτων ἐχαράσσετο βῶλος ἀρότρῳ·
- εἰναλίης δʼ ὀάριζον ὁμήλυδες ἐγγύθι λόχμης
- ποιμένες--- ὑλοτόμοισι, καὶ ἔβρεμεν εἰν ἑνὶ χώρῳ
- φλοῖσβος ἁλός, μύκημα βοῶν, ψιθύρισμα πετήλων,
- πεῖσμα, φυτόν, πλόος, ἄλσος, ὕδωρ, νέες, ὁλκάς, ἐχέτλη,
- μῆλα, δόναξ, δρεπάνη, σκαφίδες, λίνα, λαίφεα, θώρηξ.
- καὶ τάδε παπταίνων πολυθαμβέα ῥήξατο φωνήν·
- Νῆσον ἐν ἠπείρῳ πόθεν ἔδρακον; εἰ θέμις εἰπεῖν,
- τηλίκον οὕ ποτε κάλλος ἐσέδρακον· ὑψιτενῆ γὰρ
- δένδρεα συρίζει παρὰ κύματα, Νηρεΐδος δὲ