Dionysiaca
Nonnus of Panopolis
Nonnus of Panopolis. Dionysiaca, Vol. 1-3. Rouse, W.H.D., editor. London: W. Heinemann Ltd.; Cambridge, MA, 1940-1942.
- πατρῴην δʼ ἐλέλιζεν ἐμῆς γλωχῖνα τριαίνης,
- καί κεν ὑπὲρ πεδίοιο συναιχμάζων Διονύσῳ
- στήθεα βουκεράοιο διέθλασε Δηριαδῆος,
- καὶ πολὺν αἰνὸν ὅμιλον ἐμῷ τριόδοντι δαΐζων
- εἰς μίαν ἠριγένειαν ὅλον γένος ἔκτανεν Ἰνδῶν.
- υἱὸς ἐμὸς πάλαι [*](So Marcellus: πάλιν MSS. and edd.) ἄλλος ἔχων ἑκατοντάδα χειρῶν
- Τιτήνων ὀλετῆρι τεῷ χραίσμησε τοκῆι,
- Αἰγαίων πολύπηχυς, ὅτε Κρόνον εἰς φόβον ἕλκων
- ἠλιβάτων ἐτίταινε πολυσπερὲς ἔθνος ἀγοστῶν,
- ἠέλιον σκιόωσαν ἔχων ὑψαύχενα χαίτην,
- καὶ βλοσυροὶ Τιτῆνες ἐνοσφίσθησαν Ὀλύμπου
- εὐπαλάμου Βριαρῆος ὑποπτήσσοντες Ἐνυώ.
- τοῖον ἔπος φθονέων νεμεσήμονι πέφραδε φωνῇ.
- αἰδομένη δὲ Θόωσα κατηφέας εἶχε παρειάς,
- Ἄρεϊ μὴ παρεόντος ἐρωμανέος Πολυφήμου.
- ὡς δὲ πόνου τέλος ἦεν ἐριφλοίσβοιο κυδοιμοῦ,
- ἠθάδα πόντον ὄπωπε κατάρρυτον αἵματι Νηρεύς·
- ξανθῆς δʼ ἐννοσίγαιος ἐθάμβεε νῶτα θαλάσσης,
- ἰχθύας ἀνδροφάγους ὁρόων καὶ πληθύι νεκρῶν
- γείτονος ἄβροχα νῶτα γεφυρωθέντα θαλάσσης ---