Dionysiaca

Nonnus of Panopolis

Nonnus of Panopolis. Dionysiaca, Vol. 1-3. Rouse, W.H.D., editor. London: W. Heinemann Ltd.; Cambridge, MA, 1940-1942.

  1. γαμβροῦ σεῖο θανόντος ἔτι ζώουσι φονῆες,
  2. στῆθος ἐμὸν σκοπίαζε τετυμμένον ὀξέι θύρσῳ·
  3. ὤμοι, ὅτʼ οὐ Λυκόοργος Ἀρήιος ἐνθάδε ναίει,
  4. ὤμοι, ὅτʼ οὐκ Ἀράβεσσιν ὑπερφιάλοισιν ἀνάσσεις·
  5. οὐ θεὸς ἦν Διόνυσος, ὃς εἰς ἁλὸς οἶδμα διώκων
  6. θνητὸς ἀνὴρ ποίησεν ὑποβρύχιον μετανάστην.
  7. Δηριάδην ἐνόησα πεφυζότα θῆλυν Ἐνυώ.
  8. ἄτρομος ἔσσο λέων, ὅτι χάλκεον ἀνέρα φεύγων
  9. νεβροχίτων Διόνυσος ὁμοίιος ἔπλετο νεβρῷ.
  10. οὐ κεῖνος κατέπεφνεν Ἀρειμανέων γένος Ἰνδῶν,
  11. ἀλλά μιν αὐτὸς ἔπεφνε πατὴρ τεός· ὲν πολέμοις γὰρ
  12. σοὺς προμάχους φεύγοντας ἰδὼν ἐδάμασσεν Ὑδάσπης.
  13. οὐ σὺ πέλεις ἑτέροισιν ὁμοίιος· οὐράνιον γὰρ
  14. θυγατέρος Φαέθοντος ἐριφλεγέος σέο πάππου
  15. αἷμα φέρεις· οὐ θνητὸν ἔχεις δέμας· οὔ σε δαμάσσει
  16. οὐ ξίφος ἠὲ βέλεμνον ἐπιβρίθοντα Λυαίῳ.
  17. ὣς φαμένη πρὸς Ὄλυμπον ἔβη πολύμητις Ἀθήνη,
  18. εἶδος ὀνειρείοιο μεταλλάξασα προσώπου.
  19. Δηριάδης δʼ ἠῷος ἀπὸ πτολίων, ἀπὸ νήσων
  20. κέκλετο κηρύκεσσι πολυσπερὲς ἔθνος ἀγείρειν·