Odyssey

Homer

Homer. The Odyssey, Volume 1-2. Murray, A. T. (Augustus Taber), editor. London: William Heinmann; New York: G.P. Putnam's Sons, 1919.

  1. ἀκραῆ Ζέφυρον, κελάδοντʼ ἐπὶ οἴνοπα πόντον.
  2. Τηλέμαχος δʼ ἑτάροισιν ἐποτρύνας ἐκέλευσεν
  3. ὅπλων ἅπτεσθαι· τοὶ δʼ ὀτρύνοντος ἄκουσαν.
  4. ἱστὸν δʼ εἰλάτινον κοίλης ἔντοσθε μεσόδμης
  5. στῆσαν ἀείραντες, κατὰ δὲ προτόνοισιν ἔδησαν,
  6. ἕλκον δʼ ἱστία λευκὰ ἐυστρέπτοισι βοεῦσιν.
  7. ἔπρησεν δʼ ἄνεμος μέσον ἱστίον, ἀμφὶ δὲ κῦμα
  8. στείρῃ πορφύρεον μεγάλʼ ἴαχε νηὸς ἰούσης·
  9. ἡ δʼ ἔθεεν κατὰ κῦμα διαπρήσσουσα κέλευθον.
  10. δησάμενοι δʼ ἄρα ὅπλα θοὴν ἀνὰ νῆα μέλαιναν
  11. στήσαντο κρητῆρας ἐπιστεφέας οἴνοιο,
  12. λεῖβον δʼ ἀθανάτοισι θεοῖς αἰειγενέτῃσιν,
  13. ἐκ πάντων δὲ μάλιστα Διὸς γλαυκώπιδι κούρῃ.
  14. παννυχίη μέν ῥʼ ἥ γε καὶ ἠῶ πεῖρε κέλευθον.
  1. Ἠέλιος δʼ ἀνόρουσε, λιπὼν περικαλλέα λίμνην,
  2. οὐρανὸν ἐς πολύχαλκον, ἵνʼ ἀθανάτοισι φαείνοι
  3. καὶ θνητοῖσι βροτοῖσιν ἐπὶ ζείδωρον ἄρουραν·
  4. οἱ δὲ Πύλον, Νηλῆος ἐυκτίμενον πτολίεθρον,
  5. ἷξον· τοὶ δʼ ἐπὶ θινὶ θαλάσσης ἱερὰ ῥέζον,
  6. ταύρους παμμέλανας, ἐνοσίχθονι κυανοχαίτῃ.