Iliad
Homer
Homer. Homeri Opera, Volumes 1-2. Monro, D. B. (David Binning), editor; Allen, Thomas W. (Thomas William), editor. Oxford: Clarendon Press, 1908-1920.
- Ὠκαλέην Μεδεῶνά τʼ ἐϋκτίμενον πτολίεθρον,
- Κώπας Εὔτρησίν τε πολυτρήρωνά τε Θίσβην,
- οἵ τε Κορώνειαν καὶ ποιήενθʼ Ἁλίαρτον,
- οἵ τε Πλάταιαν ἔχον ἠδʼ οἳ Γλισᾶντʼ ἐνέμοντο,
- οἵ θʼ Ὑποθήβας εἶχον ἐϋκτίμενον πτολίεθρον,
- Ὀγχηστόν θʼ ἱερὸν Ποσιδήϊον ἀγλαὸν ἄλσος,
- οἵ τε πολυστάφυλον Ἄρνην ἔχον, οἵ τε Μίδειαν
- Νῖσάν τε ζαθέην Ἀνθηδόνα τʼ ἐσχατόωσαν·
- τῶν μὲν πεντήκοντα νέες κίον, ἐν δὲ ἑκάστῃ
- κοῦροι Βοιωτῶν ἑκατὸν καὶ εἴκοσι βαῖνον.
- οἳ δʼ Ἀσπληδόνα ναῖον ἰδʼ Ὀρχομενὸν Μινύειον,
- τῶν ἦρχʼ Ἀσκάλαφος καὶ Ἰάλμενος υἷες Ἄρηος
- οὓς τέκεν Ἀστυόχη δόμῳ Ἄκτορος Ἀζεΐδαο,
- παρθένος αἰδοίη ὑπερώϊον εἰσαναβᾶσα
- Ἄρηϊ κρατερῷ· ὃ δέ οἱ παρελέξατο λάθρῃ·
- τοῖς δὲ τριήκοντα γλαφυραὶ νέες ἐστιχόωντο.
- αὐτὰρ Φωκήων Σχεδίος καὶ Ἐπίστροφος ἦρχον
- υἷες Ἰφίτου μεγαθύμου Ναυβολίδαο,
- οἳ Κυπάρισσον ἔχον Πυθῶνά τε πετρήεσσαν
- Κρῖσάν τε ζαθέην καὶ Δαυλίδα καὶ Πανοπῆα,