Iliad
Homer
Homer. Homeri Opera, Volumes 1-2. Monro, D. B. (David Binning), editor; Allen, Thomas W. (Thomas William), editor. Oxford: Clarendon Press, 1908-1920.
- οἵ τʼ Ἀνεμώρειαν καὶ Ὑάμπολιν ἀμφενέμοντο,
- οἵ τʼ ἄρα πὰρ ποταμὸν Κηφισὸν δῖον ἔναιον,
- οἵ τε Λίλαιαν ἔχον πηγῇς ἔπι Κηφισοῖο·
- τοῖς δʼ ἅμα τεσσαράκοντα μέλαιναι νῆες ἕποντο.
- οἳ μὲν Φωκήων στίχας ἵστασαν ἀμφιέποντες,
- Βοιωτῶν δʼ ἔμπλην ἐπʼ ἀριστερὰ θωρήσσοντο.
- Λοκρῶν δʼ ἡγεμόνευεν Ὀϊλῆος ταχὺς Αἴας
- μείων, οὔ τι τόσος γε ὅσος Τελαμώνιος Αἴας
- ἀλλὰ πολὺ μείων· ὀλίγος μὲν ἔην λινοθώρηξ,
- ἐγχείῃ δʼ ἐκέκαστο Πανέλληνας καὶ Ἀχαιούς·
- οἳ Κῦνόν τʼ ἐνέμοντʼ Ὀπόεντά τε Καλλίαρόν τε
- Βῆσσάν τε Σκάρφην τε καὶ Αὐγειὰς ἐρατεινὰς
- Τάρφην τε Θρόνιον τε Βοαγρίου ἀμφὶ ῥέεθρα·
- τῷ δʼ ἅμα τεσσαράκοντα μέλαιναι νῆες ἕποντο
- Λοκρῶν, οἳ ναίουσι πέρην ἱερῆς Εὐβοίης.
- οἳ δʼ Εὔβοιαν ἔχον μένεα πνείοντες Ἄβαντες
- Χαλκίδα τʼ Εἰρέτριάν τε πολυστάφυλόν θʼ Ἱστίαιαν
- Κήρινθόν τʼ ἔφαλον Δίου τʼ αἰπὺ πτολίεθρον,
- οἵ τε Κάρυστον ἔχον ἠδʼ οἳ Στύρα ναιετάασκον,
- τῶν αὖθʼ ἡγεμόνευʼ Ἐλεφήνωρ ὄζος Ἄρηος