History of the Peloponnesian War

Sub idem tempus Boeoti Panactum Atlieniensium castellum in confiniis situm per proditionem ceperunt.

Cleo autem praesidio Toronae imposito, motis inde castris Athon montem classe circumvectus adversus Amphipolin ivit.

Phaeax vero Erasistrali filius cum duobus collegis ab Atheniensibus missus duabus navibus in Italiam atque Siciliam legatus sub idem tempus transmisit

Quum enim Athenienses post compositionem inter Sicilienses factam ex Sicilia discessissent, Leontini multos ad civitatis jus admiserunt, et plehs agrum viritim dividere in animo habebat.

Sed potentes quum hoc sensissent, Syracusanos accersunt plebemque expellunt. Et illi quidem vagi erraverunt, quo quemque sors tulit; at potentes inito cum Syracusanis foedere et urbe sua relicta et vastata, Syracusas civitate donati incoluerunt.

Postea vero quod praesentem rerum statum non probarent, relictis Syracusis» locum quemdam Leontinorum urbis, nomine Phocsas, occuparunt, et Bricinnias, arcem in agro Leontino munitam. Et plebeiorum antea expulsorum permulti ad eos iverunt, et statim e loco munito bellum gerere coeperunt.

Qua; audientes Athenienses Phaeacem mittunt, si quo modo adductis suis sociis, qui illic erant, ceterisque Siciliensibus» si possent, ad bellum communiter inferendum Syracusanis, qui potentiam sibi compararent, plebem Leontinam conservarent.

Phaeax autem quum eo pervenisset, Cama-rinaeis quidem et Acragantinis rem persuasit; Gelae vero quum res ei non successisset, ad ceteros non item perrexit, quod intelligebat, se rem iis non persuasurum, sed per Siculos Catanam reversus, simul etiam obiter ad Bricinnias profectus, et adhortatus eos, ut bono essent animo, navibus discedebat.

Dum autem in Siciliam pervehitur, et rursus inde revenitur, etiam cum nonnullis Italiae civitatibus egit de amicitia cum Atheniensibus ineunda; et incidit etiam in Locros, qui Messana, quam incoluerant, expulsi erant, et qui post compositionem inter Sicilienses factam, quum Mes-sanenses seditione laborarent, et eorum altera factio Locros accivisset, coloni submissi sunt, et fuit Messana aliquandiu in Locrorum potestate.

In hos igitur quum Phaeax domum redeuntes incidisset, eos nulla injuria affecit; Locri enim cum ipso transegerant de compositione cum Atheniensibus facienda.

Soli enim omnium sociorum , quo tempore Sicilienses gratiae reconciliationem inter se fecerunt, cum Alheniensious foedus inire noluerunt; et ne tunc quidem id fecissent, nisi bellum, quod cum Itonensibus et Melaeis, finitimis et colonis suis, gerebant, ipsos tenuisset occupatos* Et Phaeax quidem postea Athenas rediit.

Cleo vero, ubi a Torone solvens, nt dixi, adversus Amphipolin classe circumvectus est, profectus Eione, quam belli sedem delegerat, Stagirum Andriorum coloniam inva sit, nec cepit, sed Galepsum Thasiorum coloniam vi expugnavit.