Suidae lexicon

2627 Προϲεδρεύω ϲοι.

2628 Πρόϲεδροϲ. τότ᾿ ἐκ προϲέδρου λιγνύοϲ διάϲτροφον ὀφθαλμὸν [*](Soph.) ἄραϲ, εἶδεν ἐν πολλῷ ϲτρατῷ.

2629 Προϲέκειτο: ἀντὶ τοῦ προϲεῖχε. Θουκυδίδηϲ ἐν α΄.

2630 Προϲέκοψεν: ἀντὶ τοῦ προϲέπταιϲεν. Ἄλεξιϲ.

2631 Προϲέκοψε τῷ ἀνθρώπῳ: ἀντὶ τοῦ ἠλλοτριώϲατο. οὗτωϲ Ποϲείδιπποϲ.

2632 Προϲεκτικώτατα· ἐδόκει γὰρ Ῥωμαίων ἐπιμελέϲτατα καὶ προϲεκτικώτατα κατὰ τοὺϲ πατρίουϲ θεϲμοὺϲ τελεῖν τὰϲ θυϲίαϲ. ἀντί τοῦ πολυτελῶϲ, νουνεχῶϲ.

2633 Προϲέλευϲιϲ.

2634 Προϲέληνοι: Ἡρόδοτοϲ τοὺϲ Ἀρκάδαϲ οὕτωϲ λέγει, τουτέϲτιν ἀρχαίουϲ, πρὸ τῆϲ ϲελήνηϲ.

2635 Προϲελοῦμεν: ἀντὶ τοῦ προπηλακίζομεν, ἐλαύνομεν, εἰϲβάλλομεν.

2636 Προϲέμαξε: προϲπαρέθηκε, προϲεκόλληϲε· μάττειν γὰρ λέγεται τὸ ἀναμιγνύναι καὶ φυρᾶν καὶ εἰϲ ἓν ϲυνάγειν τὰ ἄλευρα. Ἀριϲτοφάνηϲ· τὸν Πειραιᾶ προϲέμαξε.

2637 Πρὸϲ ἐμοῦ εἶ: οἰκεῖόϲ μου, ἐγγύϲ μου, φίλοϲ μου, παῤ ἐμοί.

2638 Προϲένεγκε· Προϲενέγκαι δέ.

2639 Προϲέπαιϲε: προϲέπαιξε. Πλάτων τῷ ϲ ἀντὶ τοῦ ξ κέχρηται.

2640 Προϲεπιμετρῶν: πλείω τοῦ μεμετρημένου διδούϲ. προϲεπιμετρῶν ἀεὶ δεομένῳ, πρὸϲ τὸ παρὰ πάντων ὁμολογουμένωϲ γίνεϲθαι τὴν ἐπὶ τούτοιϲ χάριν.

2641 Προϲεπιτραγῳδήϲουϲι: δεινολογήϲουϲι. δεδιὼϲ μὴ πολλα πλαϲιάϲαντεϲ τὸ προτέρημα καὶ προϲεπιτραγῳδήϲαντεϲ καταπλήξωνται [*](Ε) τοὺϲ ἐν τοῖϲ Τυάνοιϲ.

2642 Προϲεποιήθη· ὁ δὲ ὠργίζετο μὲν ἀθετηθείϲ, οὐ μὴν προϲεποιήθη [*](E?) κατὰ τὸ παρόν. ἀντὶ τοῦ ἐφανέρωϲεν, ἐνεδείξατο. Δαιμάϲκιοϲ· ἠϲθάνετο μὲν οὖν ἡμῶν ταύτῃ πη διακειμένων, οὐ μέντοι μροϲεποιήθη τὸν νοῦν προϲέχειν. καὶ αὖθιϲ· ὁ δὲ πολλάκιϲ ἀκούων οὐ προϲεποιεῖτο.

2643 Προϲεποιήϲαντο: Ἰϲαῖοϲ. ἀντὶ τοῦ ἀντεποιήϲαντο.

2644 Προϲεποίϲω: προϲεπάξω.

2645 Προϲερήϲομαι: ἐρωτήϲω.

2646 Πρὸϲ ἐρρωγυῖαν ᾄδειϲ: ἐπὶ τοῦ μάτην πονοῦντοϲ.