Scholia in Pindarum Olympian Odes

sch. 43a. EM 112, 48 (cl. Miller, mél. litt. gr. p. 36): ἰστέον ὅτι τὸ ἀντιβολῶ ἔξωθεν ἐκλίθη . . . . τὸ δὲ παρὰ Πινδάρῳ ἀντεβόλησεν τῶν ἀνὴρ θνητός ἔξωθεν ἐκλίθη διὰ τοῦ ε̄· καὶ τὸ σημαινόμενον ἕτερον. ὡς καὶ παρ’ Ὁμήρῳ· τοιοῦτοι δ’ εἰ καί μοι ἐεικοσιν ἀντεβόλησαν (Π 847).

[*]()b. τῶν ἀνὴρ θνατός: ὧν εὐτυχημάτων, τῶν τῆς [*]() διπλῆς νίκης, οὐδέπω πρότερον εὐτύχησεν ἀνήρ.

c. ἄλλως· ἀντὶ τοῦ οὐδεὶς πώποτε τῶν ἀνθρώπων τὰς δύο ταύτας [*]() νίκας ἐν μιᾷ ἡμέρᾳ ἔλαβεν, εἰ μὴ μόνος αὐτός.

d. πρῶτον καὶ μόνον φησὶ τὸν Ξενοφῶντα κατὰ τὴν αὐτὴν ἡμέραν[*]() στάδιον καὶ πένταθλον νικῆσαι Ὀλύμπια.

e. λέγει δὲ καὶ ἄλλας νίκας αὐτοῦ.