Scholia in Pindarum Olympian Odes

b. τὸ δὲ χέρα κυκλώσας παρὰ τὸ Ὁμηρικόν (θ 189)·

τόν ῥα περιστρέψας ἧκε στιβαρῆς ἀπὸ χειρός.

[*]()c. τὸ δὲ καὶ συμμαχία θόρυβον, καὶ τοῖς παρεστῶσιν [*]() αὐτοῖς συμμάχοις ἔκπληξιν καὶ τάραχον ἐκίνησε | μέγαν διὰ τὄ ὑπερβεβλημένον τῆς βολῆς θαῦμα. καὶ τοῦτο παρὰ τὸ Ὁμηρικόν (θ 190)·

κατὰ δ᾿ ἔπτηξαν ποτὶ γαίῃ Φαίηκες δολιχήρετμοι, ναυσίκλυτοι ἄνδρες.

[*]()a. καὶ συμμαχία θόρυβον: ἀντὶ τοῦ τὸ πλῆθος [*]() θαυμάσαν ἀνεβόησεν ἐπὶ τῷ τῆς βολῆς μήκει.

b. ἢ οὕτω· παρεκίνησε καὶ ἀνήγειρε τὸ τῶν συμμάχων πλῆθος.[*]()

[*]()c. [κυκλώσαις:] ἤτοι διὰ τὸ προβάλλειν τοὺς ἄλλους τῷ δίσκῳ διαταραχθῆναι εἰς τὸ πλῆθος ἀποθαυμάσαντας ἐπὶ τῷ τῆς βολῆς μήκει.

d. θόρυβον: ἀνήγειρε δὲ νικήσας ταραχὴν τοῖς συνοῦσιν· ἐβόησαν γὰρ θαυμάσαντες τῆς βολῆς τὸ μῆκος.