Scholia in Pindarum Olympian Odes

b. ὀλίγοι τινές εἰσιν οἳ χαρὰν ἐκτήσαντο χωρὶς πόνων.

c. τὸ ὀλίγοι ἀντὶ τοῦ οὐδείς (Ε 800)·

ἦ ὀλίγον οἱ παῖδα ἐοικότα γείνατο Τυδεύς.

d. ἄπονον δ᾿ ἔλαβον χάρμα παῦροί τινες: οὗτος [*]() μὲν οὖν, φησι, μετὰ πόνου ἔλαβε τὴν νίκην· ὀλίγοι δέ εἰσιν οἱ χωρὶς πόνου νικήσαντες.

e. ἢ οὕτως· οὐδένες [*]() χωρὶς πόνου χαράν τινος ἔσχον ἔργου.

f. οὐδένες πρὶν [*]() ἐνεργῆσαι νικῶσί τι. ἡ δὲ νίκη τῷ βίῳ αὐτῶν ἐστι φάος.

βιότῳ φάος: [τὸ φάος] τὸ χάρμα τὸ ἀπὸ τῆς [*]() νίκης ἁπάντων τῶν ἔργων τοῦ βίου φάος εἴρηκεν.