Scholia in Euripidis Phoenissas (scholia vetera et scholia recentiora Thomae Magistri, Triclinii, Moschopuli et anonyma)

156.-158. Ἡ ἐνάτη αὕτη στροφὴ κώλων ἐστὶ δ′. τὸ α′ χοριαμβικὸν ἡμιόλιον ἐκ χοριάμβου καὶ ἰάμβου· εἰ δὲ βούλει, τροχαϊκὸν πενθημιμερὲς, δακτύλου ἀρχομένου. τὸ β′ παιωνικὸν δίμετρον καταληκτικὸν ἐκ παίωνος δ′ καὶ δακτύλου, ἢ κρητικοῦ διὰ τὴν ἀδιάφορον. τὸ γ′ ὅμοιον ἡμιόλιον. τὸ δ′ ἴαμβος τρίμετρος. ἐπὶ τῷ τέλει παράγραφος.

159.-162. Κατὰ περικοπὴν ἴαμβοι δ′, εἶτα παράγραφος. Bar.

163.-169. Ἡ δεκάτη αὕτη στροφὴ ἑτέρως μέν ἐστιν ἐσχηματισμένη, ὡς ἄνω τεθέντος τοῦ προσώπου, κώλων δέ ἐστιν η′. τὸ α′ ἀναπαιστικὸν δίμετρον ἀκατάληκτον. τὸ β′ ὅμοιον καταληκτικὸν εἰς δισύλλαβον. τὸ γ′ ὅμοιον πενθημιμερὲς ἐκ δύο προκελευσματικῶν, ἤτοι γ′ τριβραχέων. τὸ δ′ ἰωνικὸν τρίμετρον βραχυκατάληκτον ἐκ παίωνος τρίτου ἀντὶ ἰωνικοῦ, τροχαϊκῆς συζυγίας, ἤτοι ἐπιτρίτου β′ καὶ ἰάμβου. τὸ ε′ ἰαμβικὸν δίμετρον ἀκατάληκτον ἐξ ἰάμβου καὶ ἀναπαίστου καὶ δύο χορείων· εἰ δὲ βούλει, ἰωνικὸν τρίμετρον καταληκτικὸν ἐκ παιώνων δευτέρου καὶ πρώτου, ἀντὶ ἰωνικοῦ ἀπὸ μείζονος, καὶ χορείου. τὸ ϛ′ τροχαϊκὸν τρίμετρον ὑπερκατάληκτον Στησιχόρειον. τὸ ζ′ ἀντισπαστικὸν τρίμετρον βραχυκατάληκτον, ἐκ δύο ἀντισπάστων καὶ ἰάμβου. τὸ η′ ὅμοιον ἡμιόλιον. ἐπὶ τῷ τέλει παράγραφος.