Scholia in Euripidis Phoenissas (scholia vetera et scholia recentiora Thomae Magistri, Triclinii, Moschopuli et anonyma)
Scholia in Euripidem
Scholia Euripidem. Scholia Graeca in Euripidis Tragoedias, Vol. 3. Dindorf, Wilhelm, editor. Oxford: Oxford University Press, 1863.
1403.
κάμακος: λόγχης, καταχρηστικῶς δὲ εἶπε τοῦτο· κάμαξ γὰρ εἶδος ἀκοντίου. Gu. Bar.
ἀμφοῖν χεῖρ’ ἀπεστερημένοιν: ἀμφοτέρων ἀπεστερημένων τὰς χεῖρας τοῦ δόρατος. B. M. I. ἀμφοτέρων ἀπεστερημένων κατὰ τὴν χεῖρα. ὅμοιον τῷ ποῖόν σε ἔπος φύγεν ἕρκος ὀδόντων. Bar.
1404.
—1406. ἐνθένδε κώπας: ἀπὸ τούτου δὲ ἁρπάσαντες τὰς κώπας τῶν φασγάνων συνῆλθον, ἐγγὺς ἀλλήλων ἦλθον, συμβαλόντες δὲ τὰς ἀσπίδας καὶ ἀμφοτέροις τοῖς ποσὶ βάντες καὶ στάντες πολλὴν ταραχὴν ἐποίουν πρὸς ἑαυτοὺς ὡρμηκότες. I.
ἐνθένδε κώπας: μετὰ τοῦτο τὰς λαβὰς τῶν φασγάνων τάχιστα λαβόντες, ἀντὶ τοῦ τὰ φάσγανα τάχιστα σπασάμενοι. Gr. Gu. Florr.