Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)
Scholia in Euripidem
Scholia Euripidem. Scholia Graeca in Euripidis Tragoedias, Vol. 2. Dindorf, Wilhelm, editor. Oxford: Oxford University Press, 1863.
1537. 1538. Τὰ τοιαῦτα εἴδη καλεῖται, ὡς εἴρηται, ἀνομοιόστροφα κυρίως, διὰ τὸ μὴ εἶναι κατὰ σχέσιν. εἰσὶν οὖν τῆς παρούσης στροφῆς κῶλα δ′. τὸ α′ ἰαμβικὸν δίμετρον ἀκατάληκτον. τὸ β′ τροχαϊκὸν ἑφθημιμερὲς, τοῦ α′ ποδὸς χορείου, τοῦ δὲ γ′ δακτύλου. τὸ γ′ τροχαϊκὸν ὅμοιον πενθημιμερὲς, τοῦ β′ ποδὸς δακτύλου· εἰ δὲ βούλει, ἔστω καὶ τὰ δύο ἰωνικὰ, τὸ ἓν δίμετρον ὑπερκατάληκτον, ἐκ παίωνος δ’ ἀντὶ ἰωνικοῦ ἀπ’ ἐλάττονος καὶ δευτέρου καὶ συλλαβῆς, τὸ δὲ ἄλλο ἐκ διτροχαίου καὶ δύο συλλαβῶν. τὸ δ′ τροχαϊκὸν ἀκατάληκτον. ἐπὶ τῷ τέλει παράγραφος. Bar. 74.
1537.
Ἰὼ ἰὼ τύχα τύχα: οὕτω βέλτιον γράφειν τὸ α′ τοῦ χοροῦ κῶλον, διὰ τὴν χασμωδίαν· εὕρηται γὰρ ἔν τισι τῶν βιβλίων οὐ μόνον Ἰὼ ἰὦ τύχα ἀλλὰ καὶ ἰὼ ἰὼ τύχα τύχα, δι’ ὃ καὶ οὕτως ἐγράφη παρ’ ἡμῶν διὰ τὴν χασμωδίαν. Bar. 74.
1539. 1540. Κατὰ περικοπὴν ἴαμβοι δύο. Bar. 74.