Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

918.―921.

οὐκ εὐωπός

: οὐκ εὔοπτος, τουτέστιν οὐκ εὐειδής. B.

εὔμορφος

: γρ. οὐκ εὔοπτος. M. κατὰ μὲν τὴν ἔξω ἐμφέρει καὶ ἐμφαίνει ἀηδὴς καὶ ἀφανὴς, ἀνδρεῖος δὲ καὶ γενναῖος κατὰ ψυχήν. A. οὐκ εὐειδὴς, οὐκ εὔμορφος. I.

ἀνδρεῖος δ’ ἀνήρ

: γενναῖος. I. ἀνδρεῖος τῇ ψυχῇ. ἀνδρεία γὰρ ἐπὶ ψυχῆς, ῥώμη δὲ ἐπὶ σώματος. τὸ δὲ ὀλιγάκις ἄστυ κἀγορᾶς χραίνων κύκλον ἀντὶ τοῦ ἐκκλησίας οὐ περιερχόμενος, οὐδὲ πλησιάζων. αὐτουργὸς δέ ἐστιν ὁ τὴν ἰδίαν ἐργαζόμενος γῆν. σώζουσι δὲ γῆν οἱ αὐτουργοῦντες· γνησίως γὰρ τοὺς ἀγροὺς ἐργάζονται. καὶ τὸ χωρεῖν ὁμόσε τοῖς λόγοις θέλων, ἀντὶ τοῦ οὐ διχόμυθα λέγων ὡς ὁ προρρηθείς. τοῦτο γὰρ ἐναντίον ἐστι τῷ διχόμυθα, συνδραμεῖν ὑμῖν θέλων τοῖς λόγοις καὶ ταῖς ὑμετέραις βουλεύσεσι βουλόμενος· σημαίνει δὲ τὸ σώζειν ὑμᾶς ἐσπουδακώς. B.M.I.