Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)
Scholia in Euripidem
Scholia Euripidem. Scholia Graeca in Euripidis Tragoedias, Vol. 2. Dindorf, Wilhelm, editor. Oxford: Oxford University Press, 1863.
810.
πάλιν ἀνῆλθε: πάλιν ἀντὶ τοῦ ἔμπαλιν καὶ εἰς τὸ ἐναντίον ἀνέδραμε καὶ κατέστη τοῖς Ἀτρείδαις. B.M. εἰς τὸ ἔμπαλιν καὶ εἰς τὸ ἐναντίον ἦλθε καὶ κατέστη τοῖς Ἀτρείδαις. A.C. εὐτυχίαν δέ φησι τὴν κατὰ τὸ Ἴλιον καὶ νῦν δυστυχίαν τὴν πραττομένην. A. C.M. τὸ ἀνῆλθε δηλοῖ τὴν εἰς τοὐπίσω κίνησιν τῆς εὐτυχίας· τὸ δὲ πάλιν δευτέρας σχέσεώς ἐστι δηλωτικόν· οἱ Ἀτρεῖδαι γὰρ εὐτυχήσαντες πρὸς καιρὸν πάλιν δεδυστυχήκασιν διὰ τὴν παλαιὰν συμφορὰν τῶν δόμων. Cant.
πάλιν: εἰς τοὐπίσω. Gr. ἢ εἰς ἀτυχίαν. Gu.
ἀνῆλθ’: ἀνεπόδισεν. Gr. εἰς τὸ πρότερον ἀνέδραμεν, ἀνετράπη. Gu.
Ἀτρείδαις: τοῦτο πρὸς τὸ ὄλβος καὶ τὸ ἅ τ’ ἀρετά συντάσσεται. Gu. τὸ ἑξῆς, ὁ μέγας ὄλβος καὶ ἡ ἀρετὴ τῶν Ἀτρειδῶν. Gr.