Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

776.

πατρὶ τιμωρῶν ἐμαυτοῦ

: ἔνδικα γὰρ ἔπραξα, φησὶ, τὸν ἐμαυτοῦ πατέρα διεκδικῶν. B.I. ναί. Gr. δίκαια. Gu. βοηθῶν. Gr.

μὴ λάβωσι

: ὅρα ἵνα μή σε ἡδέως λάβωσι. I. ὑποπτεύω μή σε λάβωσι μετὰ προθυμίας καὶ κτείνωσί σε. C. ἐπιθυμοῦσι γὰρ τοῦ σοῦ φόνου, ὥστε, ἢν ἴδοιεν ἀφιγμένον ἐκεῖ σε καὶ λέγειν ἐπιχειροῦντα ὡς δικαίως τὸν φόνον εἴργασαι, ταχέως κατὰ σοῦ ψῆφον θανάτου ἐνέγκοιεν. τοῦτο δὲ λέγει ὁ Πυλάδης πρὸς τὸν τοῦ Ὀρέστου λόγον τὸν πατρὶ τιμωρῶν ἐμαυτοῦ. εἰ γὰρ καὶ πρώην αὐτὸς ὑπετίθει αὐτῷ μὴ ἄλλο λέγειν τοῖς πολίταις ἢ ὡς ἔδρασεν ἔνδικα, ἀλλὰ νῦν ὥσπερ ὑποστέλλεται, εἰδὼς τοὺς πολίτας πρὸς τὸν Τυνδάρεων μᾶλλον νεύοντας. Gu. I.

μὴ λάβωσι

: σκόπει, πρόσεχε μὴ κατασχεθῆς. Gu.

ἄσμενοι

: ἀντὶ τοῦ ἀσμένως, ἤγουν ἡδέως. Gr. Fl. 6. 9. 17. 21. 56. 76. χαίροντες. Gu. Fl. 10.