Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)
Scholia in Euripidem
Scholia Euripidem. Scholia Graeca in Euripidis Tragoedias, Vol. 2. Dindorf, Wilhelm, editor. Oxford: Oxford University Press, 1863.
708.
ἔβαψεν: ἤγουν ὕφαλος γέγονεν· ἐλθὸν γὰρ πνεῦμα σφοδρὸν καὶ πρὸς τὴν τοῦ ποδὸς τάσιν ἐμπεπτωκὸς ἀνατρέπει. Gu. I.
ἔβαψεν: ἑαυτὴν δηλονότι, ἤγουν ἐβαπτίσθη. Gr. Fl. 6. 9. 17. 21. 56. 59. 76.
τὰς ἄγαν προθυμίας: σημείωσαι ὅτι καλὸν ἡ προθυμία, ἡ δὲ ἄγαν προθυμία κακὸν, ὡς ὑπερβολὴ, καὶ ἡ ἁπλῶς προθυμία μεσότης, ἡ δὲ ἄγαν ὑπερβολὴ καὶ κακία ὥσπερ καὶ ἡ ὀκνία ἔλλειψις καὶ κακία. τὰς δὲ ὑπερβολὰς καὶ ἐλλείψεις καὶ θεὸς μισεῖ καὶ οἱ φρόνιμοι ἄνθρωποι. A. τὰς ὑπερβολικὰς ὁρμάς. B. Gr. τὰς ὑπὲρ τὸ δέον ἀλαζονείας. Gu. τὰς ὑπὲρ τὸ δέον ὑπεροψίας, ἤτοι ὑπερηφανείας. Fl. 10. 21. τὴν πολλὴν θρασύτητα. Cant.